Semesters
KOH130 Innføring i bilde
Ingen
Innføring i bilde er eit obligatorisk emne i bachelorprogrammet i design, kunst og handverk. Emnet inngår også som eitt av to obligatoriske emne i årstudiet i design, kunst og handverk. Målet er å gje grunnleggjande opplæring knytt til todimensjonale uttrykk, som til dømes teikning, måling, grafikk, foto og digitale verktøy. Gjennom praktisk skapande arbeid lærer studentane om form, farge og komposisjon i møte med todimensjonale uttrykk. Studentane lærer om kunst- og formkultur, visuell kommunikasjon og analyse, samt bruke og relatere dette til eige skapande arbeid.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har:
- brei kunnskap om ulike materiale, teknikkar og verktøy i arbeid med bilde
- brei kunnskap om form, farge og komposisjon knytt til bilde
- kunnskap om kreativitet, idéutvikling og skissearbeid som del av ein skapande prosess
- kunnskap om kunst- og formkultur innan bildesjangeren
- kjennskap til omgrep og prinsipp innan visuell kommunikasjon
- kunnskap om visuell analyse av todimensjonale uttrykksformer
- kjennskap til fagomgrep og prinsipp innan kunnskapsområdet
- har kjennskap til fagområdet sin relevans i skule og samfunn
Studenten kan:
- bruke ulike materiale, teknikkar og verktøy i arbeid med bilde
- reflektere rundt bruk av ulike reiskapar, verktøy og teknikkar i eige og andre sitt arbeid
- bruke kunnskap om form, farge og komposisjon i eigne skapande prosessar, og reflektere rundt desse
- jobbe planmessig med ideutvikling og skissearbeid som del av ein skapande prosess
- vurdere og relatere eige praktisk skapande arbeid til den eksisterande kunst- og formkulturen
- jobbe bevisst med bodskap og kommunikasjon i eige skapande arbeid
- vurdere og analysere ulike visuelle uttrykksformer i eige og andre sitt arbeid
- grunngje og reflektere kritisk kring val i eigen skapande prosess
Studenten:
- har forståing for samanhengen mellom valde skapingsmedium og uttrykk
- har innsikt i, og forståing for, visuell kommunikasjon i samfunnet
- kan reflektere kring relevante helse-, miljø- og sikkerheits-tiltak knytt til fagområdet.
- kan utveksle synspunkt og erfaringar med bakgrunn i fagområdet, og gjennom dette bidra til utvikling av god praksis
Arbeids- og undervisningsformene i studiet er ein kombinasjon av førelesing, bruk av digitale formidlings- og læringsressursar og praktisk og teoretisk oppgåveløysing. Undervisninga vert organisert både individuelt og i grupper, og arbeidet kan vere både lærar- og studentstyrt. Studenten får prosessevaluering i arbeidsøktene og i framleggingssituasjonar. Studentar som er borte frå undervisninga har sjølve ansvar for å orientere seg om det som gjekk føre seg i deira fråvær.
Anna som vedkjem gjennomføringa av emnet:
Det vert forventa at studenten har elementær datakunnskap. Studenten bør også ha ein Pc/Mac/Ipad som handterer programvare frå Adobe Creative Cloud.
Enkelte førelesingar og pensumbøker kan vere på engelsk og nordisk språk.
Frammøtekrav:
Det er obligatorisk frammøte og deltaking i alle organiserte læringsaktivitetar og undervisning, jamfør Forskrift om opptak, studium og eksamen ved Høgskulen i Volda § 6-6, om obligatorisk frammøte og deltaking. Med deltaking meiner ein at studentane skal arbeide med oppgåveløysing i verkstaden, slik at lærar og medstudentar kan få innsyn i læringsprosessane.
Arbeidskrav:
Tre praktiske oppgåver med tilhøyrande dokumentasjon.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
Studentane betaler ei materialavgift på kr 700,- til innkjøp av fellesmateriale. I tillegg må kvar student pårekna kjøp av litt basisreiskap/utstyr.
- Design, Arts and Crafts - bachelor
- Design, Arts and Crafts - year course
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praktisk eksamen | Individual | 6 Weeks | A-F, A is the best grade and E is the lowest passing grade | 100 |
Oppgåva skal inkludere dokumentasjon av prosess. Meir spesifikke retningslinjer blir gitt i forkant av eksamensperioden.