Forskingsdagane 2024

"Helsefaren ved helse – om alt helsesnakket som fører folk inn i sjukdom"

Lunsjarrangement i biblioteket. Panelsamtale.

Professor Jan Inge Sørbø og professor Tor-Johan Ekeland, Avdeling for samfunnsfag og historie.

Tid: Torsdag 19. september 2024 kl.11.30–12.15.

Stad: Biblioteket, Berte Kanutte-huset, Høgskulen i Volda.

FoU-prisen for 2024 blir tildelt professor Knut-Willy Sæther ved Institutt for religion og livssyn, Avdeling for humanistiske fag og lærarutdanning.

Musikalske innslag ved høgskulelektor Hildegunn Hovde, Avdeling for kulturfag.

Tid: Fredag 20. september 2024 kl. 11.00.

Stad: Biblioteket, Berte Kanutte-huset, Høgskulen i Volda.

Barnebokbad med Maria Parr.

Jakob (9), Sebastian (10) og Georg (10) stiller sine eigne spørsmål til den prislønte forfattaren bak Oskar og eg.

Med hjelp frå Heidi Fagna og Isabella Pareliussen frå Nynorsksenteret har gutane lese, samtalt og laga spørsmål til publikumssuksessen Oskar og eg, som kom ut i 2023.

Først vil gutane stille spørsmåla sine til Maria Parr, og så opnar me kort for spørsmål frå salen. Deretter vil Isabella Pareliussen fortelje om arbeidet i forkant av dette bokbadet og om korleis ein kan arbeide med utforskande samtalar saman med barn.

Målgruppe: Elevar på 1.–7. trinn. Lærarar, lærarstudentar og andre som interesserer seg for barn og litteratur, som lærarutdannarar.

Tema: Litteraturdidaktikk, munnlege ferdigheiter og utforskande undervisning.

Fagleg ansvarlege for arrangementet er høgskulelektorane Isabella Pareliussen og Heidi Fagna, Nynorsksenteret, Avdeling for humanistiske fag og lærarutdanning.

Tid: Fredag 20. september 2024 kl. 11.30–12.20.

Stad: Amfiet, Øyra skule, Volda.

Rørsleleik for barn.

Spenningsfylt leik og aktivitet er skummelt og artig. Dobbeltheita i kjensler som oppstår mellom spenning og glede kontra frykt og angst i ein slik situasjon, gir ei heilt spesiell kjensle i kroppen der alle sansar er vid opne. Denne tilstanden av «arousal» aktiverer ei rekkje fysiologiske system og prosessar i kroppen der ein er fokusert og klar til å respondere og mobilisere.  

Vi menneske søkjer heile tida etter å teste oss sjølve og omgjevnadane våre for å oppleve denne kjensla. Verdien av å strekkje seg litt lenger og forsøkje seg på noko ein ikkje trur ein tør, er viktig. Det gir oss unike, kontrastfylte opplevingar. Ein får erfaringar med emosjonar frå heile kjensleregisteret.

Gjennom erfaring med spenningsfylte aktivitetar øver ein opp evna til risikomeistring, reaksjonsevna, motorisk kontroll, fysisk styrke og evne til romorientering, slik at ein betre kan handtere plutselege situasjonar gjennom føremålstenlege handlingar og gjere meir realistiske vurderingar. Å stadig prøve ut eigen grenser for fysisk og motorisk kapasitet er med på styrkje desse ferdigheitene. Ein blir sterkare, smidigare, hurtigare og meir koordinert. Ein kan får betre biologiske føresetnader og ein betre motorisk kontroll som gjer ein i stand til å takle utfordringar på ein god måte. Ein kan bli meir robust og handlingsdyktig og kan dessutan få testa eigne grenser for meistring.

Velkomen til eit variert og spennande rørslemiljø, der særleg barn i alderen 4–7 år kan får fri utfalding! 

Ta med innesko og drikkeflaske.

Fagleg ansvarlege for arrangementet er førsteamanuensis Eli-Karin Sjåstad Åsebø, høgskulelektor Mailinn Corrado-Knutsen og høgskulelektor Håkon A. Mehus, Avdeling for kulturfag.

Tid: Laurdag 21. september 2024 kl. 11.00–13.00.

Stad: Idrettsbygget, Høgskulen i Volda.

Arrangementet er gratis og ope for alle. Barn må vere i følge med foreldre/føresette, og desse er ansvarlege for barna si sikkerheit under arrangementet.

Gudsteneste under Forskingsdagane.

Tid: Søndag 22. september 2024 kl. 11.00

Stad: Volda kyrkje, Volda.

Matopplevingar for store og små.

Fagleg ansvarleg for arrangementet er førstelektor Kari Ryslett og professor Erik Fooladi, Avdeling for humanistiske fag og lærarutdanning.

Tid: Søndag 22. september 2024 kl.13.00–16.00.

Stad: Volda bygdetun, Haueleite, Volda.

Arrangementet er gratis og ope for alle.

Som i himmelen, så og på jorda. Religion hos Arne Garborg og Olav Nygard.

Desse to markerte nynorskdiktarane døydde begge i 1924. Professor Jan Inge Sørbø ved Høgskulen i Volda vil særleg gjere oss kjende med forholdet mellom Garborg og Nygard og deira ulike tilnærmingar til tru og livssyn.

Arrangementet er i samarbeid med Volda og Ørsta Kyrkjeakademi.

Tid: Søndag 22. september 2024 kl. 19.00.

Stad: Salen, Aasentunet (Ivar Aasen-tunet), Hovdebygda, Ørsta.

Arrangementet er gratis og ope for alle.

Vising av filmen "Sau".

Kort introduksjon av filmen ved høgskulelektor Erlend Walseth, Høgskulen i Volda.

Arrangementet er i samarbeid med Hjørundfjord Strikkefestival og Hjørundfjord Filmteater.

Tid: Søndag 22. september 2024 kl. 19.00.

Stad: Sæbø bedehus, Sæbø, Ørsta.

Arrangementet er gratis og ope for alle.

Helse i kvar tone – syngjande studentar og tilsette.

Vi ønskjer å fylle kantina i Berte Kanutte-huset ved Høgskulen i Volda med song! 

Høgskulekoret vil vere ein fast base med songarar, og elles er alle studentar og tilsette inviterte, i tillegg til alle andre som ønskjer det.

Høgskulekoret er eit kor som er obligatorisk for alle musikkstudentar ved Høgskulen i Volda ut 5. semester, og koret er elles ope for alle andre studentar og tilsette. Arrangementet blir leia av høgskulelektor Hildegunn Hovde, dosent Elizabeth Oltedal og førstelektor Øystein Salhus, med øvrige tilsette ved Institutt for musikk og andre avdelingar ved Høgskulen i Volda som musikalsk akkompagnement.

Den 45 minutt lange økta vil innehalde fysisk oppvarming og stemmeoppvarming, før ein arbeider med kjende og ukjende songar i kanon, unison og fleirstemt song, med og utan tonefølgje.

Arrangementet er ope for alle gjennom aktiv deltaking; eit lågterskel-songtilbod for alle.

Tid: Måndag 23. september kl. 08.45–09.30.

Stad: Kantina i Berte Kanutte-huset, Høgskulen i Volda.

Arrangementet har mottatt arrangementsstøtte frå Noregs forskingsråd.

Sosial deltaking og inkludering som faktor for helse og eit aktivt liv.

Foredrag ved dosent emeritus Vidar Myklebust, Avdeling for samfunnsfag og historie.

Arrangementet er i samarbeid med Senioruniversitetet i Volda og Ørsta.

Arrangementet er gratis og ope for alle.

Tid: Måndag 23. september 2024 kl. 13.00–14.00.

Stad: BK 161, Berte Kanutte-huset, Høgskulen i Volda.

Vil vi ha ein kultur for song og musikk i demensomsorga?

Foredrag ved musikkterapeut og førstelektor Øystein Salhus, Avdeling for kulturfag.

Foredraget handlar om korleis musikk kan vere ein positiv impuls i kvardagen for personar som har demens.

Demenskoret syng.

Volda demenskor vart etablert i 2023.

Koret vert leia av musikkterapeut Sunniva Ulstein Kayser og dirigent Ingrid Vik Henriksen.

Arrangementet er i samarbeid med Volda demenskor.

Tid: Måndag 23. september 2024 kl. 18.00.

Stad: Volda ungdomsskule, Røysbakken 35, Volda.

Arrangementet er gratis og ope for alle.

Filmkveld på Studenthuset Rokken.

Temaet for kvelden er Animasjon og helse.

Er det sunt å se på animasjon? Kan animasjonsfilm ha positiv og negativ påvirkning på helsa vår? Og kan animasjon tematisere helse på givende og lærerike måter?

Det vil bli vist animerte kortfilmer kuratert av stipendiat Trygve Selnes Nielsen og førsteamanuensis Endre Eidsaa Larsen, som også vil holde korte, populærvitenskapelige foredrag innen temaet "animert helse". Endre og Trygve er ansatt ved Institutt for film og animasjon, Avdeling for mediefag.

Program

Introduksjon: Samtale mellom Trygve Selnes Nielsen og Endre Eidsaa Larsen: Er det sunt å se på animasjon?

Visning

Del 1: Å puste liv i det dødende (ved førsteamanuensis Endre Eidsaa Larsen)

Visning

Del 2: Mandala-former i animasjon (ved stipendiat Trygve Selnes Nielsen)

Visning

Tid: Mandag 23. september 2024 kl. 19.00–20.30.

Sted: Studenthuset Rokken, Volda.

Arrangementet er gratis og åpent for alle. Gratis kaffe!

Det kan komme endringer i programmet. Se Facebook-siden til Rokken for nærmere informasjon: https://www.facebook.com/StudenthusetRokken/

Velkomen til Eksistensiell kafé!

Har synet ditt på livet (og døden) noko å seie for korleis du har det? Og korleis du lever i kvardagen din? Kva opplever du som viktig for den eksistensiell helsa di?  

Her møtest vi for ein undrande prat rundt bordet. Vi serverer gratis mat, og på borda ligg samtalekort som kan vere utgangspunkt for praten. Studenthumanist Lone Ellingvåg Knutsen og studentprest Ruth Eva Sollie (tru- og livssynstenestene ved Høgskulen i Volda) innleier til samtale.   

Tid: Måndag 23. september 2024 kl.15.00–16.30.

Stad: Kaarstadstova (K100), Henrik Kaarstad-huset, Høgskulen i Volda.

Arrangementet er gratis og ope for alle.

Presentasjon av ein studie på barnehagemåltidet.

Studien undersøker korleis pedagogiske leiarar arbeider med måltidssituasjonen for å fremme utvikling av barn sine smakspreferansar, i tydinga å like og akseptere ulike matvarer. Rundt 92 prosent av alle norske barn mellom 1 og 5 år går i barnehage, og 40–60 prosent av matinntaket til barna blir dekt gjennom måltida i barnehagen. 

Å støtte utvikling av barn sine smakspreferansar kan føre til eit meir variert kosthald og dermed betre helse på kort og lang sikt. Denne kvalitative studien har samla data ved hjelp av fokusgruppeintervju i 6 ulike barnehagar med til saman 21 pedagogiske leiarar og 2 styrarar som informantar. Resultata peiker på bruk av dei to strategiane tilvenning og eksponering og sosial læring som dei einaste brukte, medan energiberiking og smaksbruer er fråverande. Resultata viser også til at barna får utforske og eksperimentere med ulike smakar i måltidet, men mykje bruk av brødmåltid kan for enkelte skape lite variasjon i kosthaldet. Resultata viser også at rollemodelleffekten er avgrensa når personale og barn ikkje et same mat, medan barna i større grad fungerer som rollemodellar for kvarandre.

Barnehagemåltidet har eit stort potensial til å fremme matvanar og helse hos barn, men det føreset målretta og engasjert arbeid frå personalet. Det er behov for både auka matfagleg kompetanse i barnehagen og meir forsking på korleis ein arbeider med utvikling av barn sine smakspreferansar. Dette er særleg relevant i eit folkehelseperspektiv.

Fagleg ansvarleg for arrangementet er førstelektor Kari Ryslett, Avdeling for humanistiske fag og lærarutdanning.

Tid: Måndag 23. september 2024 kl. 14.00–15.00.

Stad: Volda helsestasjon, Volda.

Helse i kvar tone – syngjande studentar og tilsette.

Vi ønskjer å fylle kantina i Berte Kanutte-huset ved Høgskulen i Volda med song! 

Høgskulekoret vil vere ein fast base med songarar, og elles er alle studentar og tilsette inviterte, i tillegg til alle andre som ønskjer det.

Høgskulekoret er eit kor som er obligatorisk for alle musikkstudentar ved Høgskulen i Volda ut 5. semester, og koret er elles ope for alle andre studentar og tilsette. Arrangementet blir leia av høgskulelektor Hildegunn Hovde, dosent Elizabeth Oltedal og førstelektor Øystein Salhus, med øvrige tilsette ved Institutt for musikk og andre avdelingar ved Høgskulen i Volda som musikalsk akkompagnement.

Den 45 minutt lange økta vil innehalde fysisk oppvarming og stemmeoppvarming, før ein arbeider med kjende og ukjende songar i kanon, unison og fleirstemt song, med og utan tonefølgje.

Arrangementet er ope for alle gjennom aktiv deltaking; eit lågterskel-songtilbod for alle.

Tid: Tysdag 24. september kl. 08.45–09.30.

Stad: Kantina i Berte Kanutte-huset, Høgskulen i Volda.

Arrangementet har mottatt arrangementsstøtte frå Noregs forskingsråd.

Folkehelsearbeid – barn og unge.

Seminar.

12.00: Om seminaret og eit bokprosjektet v/dosent Randi Bergem, Avdeling for samfunnsfag og historie.

12.10: LONGTRENDS Sosial ulikskap i mental helse blant ungdom, førsteamanuensis/prosjektleiar Helga Bjørnøy Urke, HEMIL-senteret, UIB (pause undervegs).

13.30: Pause.

13.45: Bevegelseglede og meistring – eit folkehelseprosjekt i ungdomsskulen, førstelektor Ellen Andenes (Avdeling for samfunnsfag og historie), professor Kjetil L. Høydal (Avdeling for kulturfag) og professor Finn Ove Båtevik (Avdeling for samfunnsfag og historie).

14.00: Eit kritisk blikk på skulen som arena for folkehelsetiltak med fysisk aktivitet, førsteamanuensis Ingeborg Berg Skogen (Avdeling for kulturfag).

14.20: Tverrfagleg og tverrsektorielt samarbeid for folkehelse, førsteamanuensis Ellen S. Synnevåg (Avdeling for samfunnsfag og historie).

14.40: Mange snakkar om det, og vi gjer det! Begynnaropplæring. Helse og livsmeistring. Praktisk-estetiske læringsprosessar. Profesjonsmøtet. Eit forskings- og utviklingssamarbeid mellom Christine Langeland (lærar, Møre barneskule / høgskulelektor, Nynorsksenteret), Merete Hoel Roaldsnes (musikkterapeut, Møre barneskule), Guro Kristin Gjøsdal og Liv Kristin B. Øvereng (høgskulelektorar, Nynorsksenteret). 

15.30: Avslutning.

Fagleg ansvarleg for seminaret er dosent Randi Bergem, Avdeling for samfunnsfag og historie.

Tid: Tysdag 24. september 2024 kl. 12.00–15.30.

Stad: BK 161, Berte Kanutte-huset, Høgskulen i Volda.

Arrangementet er gratis og ope for alle.

Innlegg ved stipendiatane May Catherin Ulstein og Rakel Rustand Bruland, Avdeling for samfunnsfag og historie.

Doktorgradsprosjektet til May Catherin Ulstein omhandlar tilfrisking frå fedme og overeting – endringar i meistringsstrategiar og meistringstru.

Doktorgradsprosjektet til Rakel Rustand Bruland omhandlar deltaking i folkehelsetilbod i nærmiljøet.

Fagleg ansvarleg for avhandlingsforum er førsteamanuensis Jonas Gamborg Lillebø, Avdeling for humanistiske fag og lærarutdanning.

Tid: Tysdag 24. september 2024 kl. 13.00–15.00.

Stad: BK 159, Berte Kanutte-huset, Høgskulen i Volda.

Helse i kvar tone – syngjande studentar og barnehagar.

Alle barnehagane i Volda blir inviterte inn til ei stor fellessamling med kjende barnesongar!

Barnehagane har fått utdelt songane på førehand, slik at alle barnegruppene er førebudde på kva som skal skje. Denne økta vert leia av høgskulelektor Hildegunn Hovde ved Avdeling for kulturfag i samarbeid med tilsette i barnehagane i Volda. Arrangementet blir ei praktisk utøving av Hildegunn Hovde sitt FoU-arbeid, som mellom anna går på didaktikk knytt til songsamlingar i barnehagen og kva som får barn til å ønskje å delta aktivt i song med andre.

Tid: Onsdag 25. september kl. 09.30–10.00.

Stad: Kantina i Berte Kanutte-huset, Høgskulen i Volda.

Arrangementet har mottatt arrangementsstøtte frå Noregs forskingsråd.

Hjernen, trening og helse.

Arrangementet vil handle om trening og korleis dette verkar på både fysisk og mental helse. I tillegg til trening vil ein kome inn på kalde bad og badstue og korleis desse aktivitetane også kan bidra til helse. Ein vil ta inn utstyr til å måle oksygenopptak (kondisjon) for å vise korleis kroppen responderer under trening/fysisk aktivitet.

Målgruppa for arrangementet er unge vaksne, vaksne og eldre.

Fagleg ansvarlege for arrangementet er professor Kjetil Laurits Høydal, Avdeling for kulturfag, og førsteamanuensis Øyvind Arne Høydal, Avdeling for humanistiske fag og lærarutdanning.

Tid: Onsdag 25. september 2024 kl. 18.00-19.00.

Stad: BK 161, Berte Kanutte-huset, Høgskulen i Volda.

Arrangementet er gratis og ope for alle.

Kviss på Studenthuset Rokken med fine premiar!

Arrangementet er i samarbeid med Studentsamfunnet i Volda og Studenthuset Rokken.

Tid: Onsdag 25. september 2024 kl. 20.00.

Stad: Studenthuset Rokken, Volda.

Songane som sette spor: frå «Gangdøra» til «Ein farfar i livet».

Foredrag ved høgskulelektor Arild Torvund Olsen, Nynorsksenteret.

Arrangementet er i samarbeid med Senioruniversitetet i Ulstein og Hareid.

Tid: Torsdag 26. september 2024 kl. 19.00.

Stad: Aktivitetshuset ved Småbåthamna, Vikholmen, Ulsteinvik.
 

Vi bruker lesemetoden samlesing (shared reading) og blir kjende med god litteratur og gode menneske! 

Tekst og tanke er eit studentvelferdstilbod ved Høgskulen i Volda med formål om å skape gode menneskemøte, dialog, demokrati og god helse gjennom samlesing av litteratur.

Vi byr på nysteikte vaflar, kaffi og saft.

Velkomen!

Fagleg ansvarlege for arrangementet er høgskulelektor Guro Kristin Gjøsdal (Nynorsksenteret), studenthumanist Lone Ellingsvåg Knutsen og rådgjevar Elin Gundersen (biblioteket).

Les meir om samlesingsmetoden her: https://bibliotekutvikling.no/sharedreading/  

Les også blogginnlegget om samlesing frå Nynorsksenteret: https://nynorsksenteret.no/blogg/samlesing-i-nynorskopplaeringa 

Tid: Torsdag 26. september 2024 kl. 18.00–19.30.

Stad: Kaarstadstova (K100), Henrik Kaarstad-huset, Høgskulen i Volda.

Arrangementet er gratis og ope for alle.

Barneboktipset er ein podkast frå Nynorsksenteret, der åtte fjerdeklassingar gir boktips om bøker for 1.–4. trinn. 

Me speler av eit par av podkastane og fortel kort om arbeidet. Elevane som har vore med i podkasten, er til stades og fortel korleis det var å verte boktipsarar.

Ingvild Myklebust Hovden fortel om undervisningsopplegget som følgjer med.

Målgruppe for arrangementet er lærarar, lærarstudentar og andre som interesserer seg for barn og litteratur, som lærarutdannarar.

Tema: litteraturdidaktikk, munnlege ferdigheiter og utforskande undervising.

Fagleg ansvarlege for arrangementet er rådgjevar Ingvild Myklebust Hovden og høgskulelektor Heidi Fagna, begge frå Nynorsksenteret ved Avdeling for humanistiske fag og lærarutdanning.

Tid: Torsdag 26. september 2024 kl. 12.00–12.30.

Stad: Biblioteket, Berte Kanutte-huset, Høgskulen i Volda.