Musikk
Bachelorgrad
Bachelor i musikk gir deg ei solid og allsidig musikkutdanning. Utdanninga kvalifiserer for arbeid i både skuleverket og kultursektoren, til dømes som musikklærar, musikar, låtskrivar, produsent eller arrangør. Studiet vektlegg konkrete praktiske ferdigheiter innan samspel, improvisasjon, låtskriving og musikkteknologi.
Du får praktisk og teoretisk grunnlag for å kunne arbeide med musikk og leie andre i musikalsk samspel. Kunnskap om læringspsykologiske, musikkpedagogiske og helsemessige dimensjonar er også ein viktig del av studiet.
Som student ved Bachelor i musikk får du tilgang til svært gode fasilitetar med profesjonelt musikkstudio og øvingslokale. Høgskulen i Volda har eige kor og sympfoniorkester.
Fullført bachelorgrad kvalifiserer for opptak på Praktisk-pedagogisk utdanning (PPU) som gir deg undervisningskompetanse i skulen. Denne ordninga vil truleg bli vidareført til 2028.
Om du ønskjer å ein mastergrad, har Høgskulen i Volda under planlegging Master i natur, kultur og sosial berekraft. Studiet har fokus på sosial berekraft og kva rolle praktisk/estetiske kulturfag og sosialt entreprenørskap kan ha i arbeidet for eit berekraftig samfunn.
Fullført mastergrad vil også kvalifisere for opptak på Praktisk-pedagogisk utdanning (PPU) og gi deg undervisningskompetanse i skulen.
Følg oss på facebook og instagram!
- Heiltid
- Varigheit 6 semester (3 år)
- 180 studiepoeng
- Start haustSøknadsperiode 01.02.2024 - 15.04.2024
- Opptakskrav
Generell studiekompetanse.
- Studieplan
Studieinnhald
Studiet har som mål å gi studentane gode kunnskapar og ferdigheiter innanfor musikkutøving og formidling, komponering og arrangering, musikkpedagogikk og instrumentaldidaktikk. Gjennom individuell hjelp og rettleiing ønskjer vi at du skal kunne utvikle deg som utøvar på eit instrument eller som songar.
Praksis og utveksling i utlandet
Delar av musikkutdanninga kan takast i utlandet. Vi rår til dømes til musikkonservatoriet i Riga eller våre samarbeidsinstitusjonar i Australia, Irland, Latvia, New Zealand, Storbritannia og USA.
Undervisningsmåtar og vurderingsordningar
Bachelor i musikk er ei praktisk-teoretisk utdanning. Undervisninga vekslar mellom førelesing, øving og arbeid i grupper eller individuelt, og vert tilpassa den enkelte student. Studentane får også høve til å opptre på både lukka og offentlege konsertar, arrangert av Høgskulen i Volda. Det vert det arrangert ulike kurs og ekskursjonar, blant anna ein studietur til Ole Bull-akademiet på Voss der du får kurs i folkemusikk.
Les meir om vurderingsordningar og eksamen i studie- og emneplanane.
Aktuelle yrke og vidare studium
Musikkutdanninga ved Høgskulen i Volda kvalifiserer for arbeid i både privat og offentleg sektor. Du vert kvalifisert for jobbar i både i skule- og kultursektoren.
Bachelor i musikk legg også grunnlaget for vidare studium på masternivå.
Høgskulen i Volda har under planlegging Master i natur, kultur og sosial berekraft. Studiet har fokus på sosial berekraft og kva rolle praktisk/estetiske kulturfag og sosialt entreprenørskap kan ha i arbeidet for eit berekraftig samfunn.
Studieplan
Musikk - bachelor
Bachelor i musikk er eit studium som gir deg eit praktisk og teoretisk grunnlag for å kunne arbeide med musikk og leie andre i musikalsk samspel. Studiet gir deg brei musikkfagleg kompetanse der du vil få høve til å velje fordjuping innan utøvande og skapande retningar, og relevant forskings- og utviklingsarbeid. Studiet vektlegg konkrete praktiske ferdigheiter innan samspel, improvisasjon, låtskriving og musikkteknologi. Vidare er kunnskapar om læringspsykologiske, musikkpedagogiske og helsemessige dimensjonar, og om musikken sin plass historisk sett og i eit fleirkulturelt samfunnsperspektiv ein del av studiet.
Utdanninga gir grunnleggade kompetanse for arbeid innan kultursektoren, grunnskulen, kulturskulen, SFO og privat næring.
Bachelorgraden gir grunnlag for vidare studiar på masternivå ved andre utdanningsinstitusjonar, eventuelt i kombinasjon med praktisk pedagogisk utdanning (PPU).
Det er tilrådd at studenten har noko vokal eller instrumental erfaring.
I samsvar med det nasjonale kvalifikasjonsrammeverket har studenten følgande læringsutbytte etter fullført studium:
Kandidaten:
- har brei kunnskap om utøving av musikkfaget i ulike samanhengar i samfunnet
- har kunnskap om fagområdet si historie, eigenart og plass i samfunnet
- har innsikt i sentrale musikkpedagogiske problemstillingar, metodar og verktøy
- har kunnskap om musikken si betydning for fysisk og psykisk helse og bruk av musikk i helsefaglege samanhengar
- har kunnskap om musikkteori og høyrelære og ulike komponerings- og improvisasjonsteknikkar
- har kunnskap om musikkproduksjon og studioarbeid
- kjenner til forskings- og utviklingsarbeid i musikkfaget og korleis ein kan vidareutvikle eigne kunnskapar i faget
Kandidaten:
- kan utøve og formidle musikk til ulike målgrupper
- kan nytte eit valt fordjupingsinstrument og ulike band- og akkompagneringsinstrument i ulike utøvingskontekstar, reflektere over eigne ferdigheiter og ha evne til fagleg fornying
- kan nytte musikkfagleg kunnskap i praktiske og teoretiske problemstillingar, grunngi vala sine og analysere relevante samanhengar mellom praksis og teori
- kan bruke relevant teknologisk utstyr og programvare i komponering og utøvingssamanhengar
- kan nytte ulike pedagogiske metodar som har relevans for musikkfaget i ulike samanhengar og på ulike nivå
Kandidaten:
- kan formidle sentralt fagstoff både skrifleg, munnleg og gjennom andre relevante uttrykksformer
- har innsikt i relevante faglege og yrkesetiske problemstilingar i tillegg til nytenking og innovasjonsprosessar innan fagområdet
- har kunnskap om utvalde retningar innan vitskapsteori og metode, og gjennom kritisk tenking og refleksjon grunngi vala sine i bacheloroppgåva
- kan planlegge og gjennomføre arbeidsoppgåver og prosjekt over tid og i samarbeid med andre, i tråd med etiske krav og retningsliner
- kan utveksle synspunkt og erfaringar med andre innan fagområdet og slik bidra til utvikling av god praksis
Arbeidsmåtane vil veksle mellom førelesningar, praktisk skapande arbeid, arbeid i grupper og individuelt. Det blir nytta varierte læringsformer som prosjekt- og seminararbeid, omvendt undervisning, video og loggskriving, samspel og gruppediskusjonar.
Studenten får innsikt i relevante arbeidsoppgåver retta mot ulike kulturfelt, gjennom uformelle praksisavtalar, ekskursjonar og eksterne forelesningar.
Vurderingsformene inkluderer skriftleg og praktisk arbeid, heimeeksamen og skuleeksamen.
Emne | 2024 Haust | 2025 Vår | 2025 Haust | 2026 Vår | 2026 Haust | 2027 Vår |
---|---|---|---|---|---|---|
Obligatoriske emne: | 30 | 30 | 30 | 30 | 15 | |
15 | ||||||
15 | ||||||
15 | ||||||
15 | ||||||
15 | ||||||
15 | ||||||
15 | ||||||
15 | ||||||
15 | ||||||
Valemne 2 og 3. studieår | 30 | 15 | ||||
Utveksling | 30 | |||||
15 | 15 | |||||
15 | 15 | |||||
15 | ||||||
Sum (180 total) | 30 | 30 | 30 | 30 | 30 | 30 |
Studiet har praksis og det skal leverast politiattest.
Det inngår ikkje engelskspråklege emne i graden, men deler av musikkutdanninga kan takast i utlandet.
Høgskulen i Volda har utvekslingsavtalar med samarbeidsinstitusjonar i Storbritannia, Irland, Latvia, Australia, New Zealand og USA.
I tillegg vert det gitt tilbod om studietur til utlandet i løpet av studietida.
- Heiltid
- Varigheit 6 semester (3 år)
- 180 studiepoeng
- Start haustSøknadsperiode 01.02.2024 - 15.04.2024
- Opptakskrav
Generell studiekompetanse.
- Studieplan
Søknadskode : 223 437