EndNote

Koplinga mellom EndNote og Word gjer at du kan legge referansane frå biblioteket ditt inn i teksten og automatisk opprette ei kjeldeliste til slutt i dokumentet. 

Under EndNote-fanen i Word finn du følgjande verktøylinje:

EndNote verktøylinje Word

Det er viktig at du alltid brukar funksjonane på EndNote verktøylinje når du arbeider med tilvisingar og kjelder i Word.
 

Sette inn ei tilvising i teksten

  1. Plasser markøren der du ønskjer å sette inn tilvisinga i teksten.
  2. Vel Insert Citation.
  3. Søk opp den referansen du vil sette inn.
  4. Klikk på Insert-knappen.
, basic_html
Endre (redigere) ei tilvising i teksten og sette inn sidetal

Ikkje gjer endringar i tilvisinga ved å skrive inne i den.

  1. Marker den aktuelle tilvisinga du vil gjere endringar i, slik at den blir aktivert (grå).
  2. Vel Edit & Manage Citation(s).
  3. I dialogboksen kan du f.eks. gjere følgjande val:
    • Tekst i Prefix-feltet kjem før tilvisinga.
    • Tekst i Suffix-feltet kjem etter tilvisinga.
    • Feltet Pages blir brukt for sidetal.
    • Bruk Formatting for å ekskludere forfattar, årstal eller begge deler.

Redigere tilvising EndNote

Dersom du oppdagar skrivefeil eller ønskjer å endre opplysningar på ein bestemt referanse, må du gå til EndNote-biblioteket og gjere endringane der. Trykk deretter på Update Citations and Bibliography for å få endringane inn i Word-dokumentet.

, basic_html
Fjerne ei tilvising

Ikkje bruk Delete/Backspace, dette vil ikkje slette tilvisingane på rett måte. Slik fjernar du ei tilvising:

  1. Set markøren ved tilvisinga du vil ta bort, slik at den blir aktivert (grå).
  2. Vel Edit & Manage citation(s).
  3. Klikk på Edit Reference > Remove Citation > OK.
, basic_html
Slå saman Word-dokument slik at dei får ei felles kjeldeliste

Når ein jobbar med større oppgåver, har ein gjerne fleire mindre dokument som ein til slutt vil setje saman til eit stort dokument. Det gjer du på følgjande måte:

  1. I kvart av dokumenta klikkar du på Convert Citations and Bibliography > Convert to Unformatted Citations.
  2. Kjeldelista skal no vere borte, og referansane i teksten skal ha følgjande format som dette eksempelet: {Imsen, 2006, Lærerens verden: innføring i generell didaktikk}
  3. Opprett eit nytt hovuddokument og kopier og lim inn tekstane frå dei ulike dokumenta.
  4. Reformater EndNote-referansane og opprett kjeldelista på nytt ved å klikke på Update Citations and Bibliography.
  5. Du skal no ha fått eit dokument med ei ny, samanfletta kjeldeliste.
, basic_html
Lage ein kopi av dokumentet utan EndNote feltkodar

Før du sender frå deg dokumentet, bør du fjerne EndNote feltkodar. Det vil seie at du lagrar ein kopi av dokumentet som fjernar koplinga mellom Word og EndNote:

1. Lagre ein kopi av dokumentet

2. Opne kopien, gå til EndNote verktøylinje og vel Convert citations and bibliography > Convert to plain text. No er feltkodane til EndNote fjerna.

3. Om du har behov for å gjere justeringar i kjeldelista som du ikkje fekk til i EndNote, kan du gjere det no.

 NB! Hugs å spare på originaldokumentet med EndNote-koplingar også, du kan få bruk for det seinare.

, basic_html