Spesialiseringsemne, der studenten gjennom eitt eller fleire praktiske prosjekt skal få høve til å fordjupe seg i, og vise ferdigheiter og kunnskap ut over det grunnleggande, i ein eller fleire valde teknikkar.

Studentane kan velje mellom to alternativ:

1. Studenten produserer minst eitt minutt ferdig animasjon i ein vald teknikk eller kombinasjon av teknikkar. Ved teiknefilm kan vi godta kortare varigheit. Animasjonen treng ikkje vere sett inn i nokon narrativ samanheng, men skal vise at studenten har kunnskap ut over dei grunnleggande ferdigheiter som denne teknikken krev.

2. Studenten deltar i eller gjennomfører sjølv eit bransjeorientert animasjonsprosjekt. Det kan vere ein reklamefilm, ein musikkvideo, ein vignett, pilot, eller andre prosjekt. Dette kan skje i regi av utdanninga, ein ekstern produsent, eller som en del av opplegg ved ein annan utdanningsinstitusjon i inn- eller utland. Prosjektet skal godkjennast av emneansvarleg.