Semestre
DKL112 Læringsdesign for framtidas læringsarbeid
Generell studiekompetanse
Utbreiing av Internett og digitale verkty har bidrege til at skrifta ikkje har ein like dominerande posisjon som tidlegare. Digitale medier og verkty er gjennomgripande i dagens samfunn. Læringsmiljøet og praksis må gjenspegle det samfunnet det er i og lærarar må kunne rettleie elevane i bruk av teknologi i læring. Dette gjev spennande utfordringar til praksis og planlegging av læringsopplevingar. Læringsdesign fokuserer på planlegging, utforming og bruk av læreprosessar som involverer teknologi. DKL112 har fokus på utvikling av eigen yrkespraksis. Emnet tek utgangspunkt i det daglege virket til pedagogen og har ei praktisk tilnærming til undervisningsplanlegging, anten for den vidaregåande skulen, for ungdomskulen, barneskulen eller barnehagen. Studenten planlegg undervisning for sine elevgrupper. Didaktisk arbeid med digitale verkty og ressursar utgjer ein naturleg del av læringsprosessen til dagens born. Studentane får opplæring og erfaringspraksis i planlegging og utforming av undervisning med digitale verkty, og kunnskap om ulike metodar, læringsressursar og verkty for ulike typar læringsaktivitet og kurs.Emnet kan takast som ein del av eit årsstudium, eit halvårsstudium, eit deltidsstudium eller som eit sjølvstendig emne.
Standard tekst inn her
Kandidaten:
- har kunnskap om læringsdesign i teknologitette miljø
- har kjennskap til ulike digitale planleggingsmetodar
- har kjennskap til ulike digitale læringsmetodar
- har kjennskap til ulike digitale vurderingsmetodar
- har kunnskap om leiing i teknologitette læringsmiljø
- er kjend med, og har forståing for forskning og utvikling innan feltet læring- og instruksjonsvideodesign
- har kunnskap om designtenkning og forholdet til problemløysning og læring
- har grunnleggande kunnskap om prosessar i læringsdesign og modellering av læringsdesign
- har grunnleggjande kunnskapar om born og unge sin mediekultur
Kandidaten:
- kan reflektere over eigen praksis og justere den under rettleiing
- kan ta i bruk kunnskap og relevante resultater frå forskningsarbeid i praktiske og teoretiske oppgåver og gjere velbegrunna val
- kan lage og bruke eit læringsdesign til bruk i ein læringssamanheng
- kan evaluere og vurdere læringsdesign
- kan reflektere over eigen praksis og læringsprogresjon
Kandidaten:
- kan planlegge og produsere varierte oppgåver og prosjekt over tid, individuelt eller gruppe
- forstår tydinga av viktige omgrep knytt til emnet, til dømes teoriar, problemstillingar og løysningar, både skriftleg og gjennom multimodale tekstar
- kan utveksle meiningar og erfaringar med medstudentar, og dermed bidra til utvikling av god praksis
- viser kjennskap og erfaring i nytenkning og innovasjonsprosessar
Emnet er både nettbasert og med undervisning på campus. Vi legg opp til problembaserte og studentaktive arbeidsformer, individuelt og i grupper. Arbeidsoppgåver vil bli relatert til læring og formidling. Det er obligatorisk frammøte ved samlingane i emnet. Les om obligatorisk frammøte i gjeldande Forskrift om studium og eksamen ved Høgskulen i Volda. Det vert gitt lokal rettleiing for dei som treng dette.
a) Studenten skal levere svar på to større arbeidsoppgåver. Kvar av oppgåvesvara skal vere godkjende av faglærar for at studenten får gå opp til avsluttande eksamen. Studenten har to forsøk på å få godkjend kvart oppgåvesvar. Innleveringstidspunkt vil gå fram av semesterplanen. Faglærar definerer nærare tema for- og omfang på oppgåvene .
b) Arbeid med innhald frå alle delemna skal dokumenterast gjennom publisering til studieblogg. Faglærar definerer nærare kva for krav det er til dokumentasjon.
c) Studenten skal delta i læringsaktivitetar gjennom heile kurset.
Emnet vert evaluert i samsvar med HVO sitt kvalitetssikringssystem
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | A-F, der A er best og E er siste ståkarakter |
a) Eitt oppgåvesvar frå arbeidskrav a. Avhengig av kva for oppgåvesvar som vert levert, skal omfanget vere mellom 1500 - 3000 ord, i tillegg til eventuelt lyd/bilete/video-materiale som oppgåveformuleringa krev.
b) Tre av innlegga frå arbeidskrav b. samt ein kommentar til ein medstudent sitt innlegg i sin studieblogg. Innlegga skal vere samla i eitt dokument.
c) Ei grunngjeving (utvalsrefleksjon) for utvalet (mellom 1200 - 2000 ord).Elementa blir vurdert samla med vekt på utvalsrefleksjon.