Studentane blir inndelte i praksisgrupper på 3-4 studentar som blir knytte til ein praksisskule eller institusjon med praksislærar / praksisrettleiar, samt ein basisgruppeleiar frå fagmiljøet på høgskulen. Praksisen vil vere delt i to periodar, 10 dagar i haustsemesteret 10 dagar i vårsemesteret. Alle studentane vil få praksiserfaring både frå skule og institusjonar som driv formidling og opplæring knytt til kunst - og handverkfagleg arbeid med barn, unge og vaksne. I forkant og i etterkant av praksisperiodane vil det verte sett av tid til førebuing og etterarbeid relatert til det konkrete praksisarbeidet. 

Ein sentral del av formidlingspraksisen, vil det i det tredje studieåret, lagt vekt på skulen/arbeidsplassen som organisasjon, det profesjonelle fellesskapet og samarbeid med føresette og sentrale instansar utanfor skulen. Det vert arbeidd vidare med formidlingsrolla og kva plass faget kunst og handverk har i skule og samfunn.

Praksislærar/rettleiar skal forvente progresjon av studenten frå 2. til 3. studieår og gjennom heile 3. året. Det blir stilt større krav til studenten sitt sjølvstendige arbeid og refleksjon over mål, måloppnåing og tilbakemelding. Studenten skal individuelt og sjølvstendig planleggje, gjennomføre og evaluere opplegg som går over fleire timar og dagar. Praksis kan bli lagd til praksisplassar utanfor Volda. Reiser til og frå praksis må dekkast av studenten sjølv. Dersom daglege reiseutgifter i samband med praksis overstig dei daglege reiseutgiftene til ordinær undervisning, kan du søke om tilskot til dekking av meirutgifter etter gjeldande retningslinjer.