Semestre
IKF205 Helsefremjande arbeid
Årsstudium i Idrett: IKF101, IKF102, IKF103 og IKF104, eller
Årsstudium i Friluftsliv: IKF106, IKF107.
Eller tilsvarande.
Ved fullføring av dette emnet skal studenten kunne drive opplæring innan helsefremjande arbeid med vekt på betydinga av fysisk aktivitet, friluftsliv med fokus på positive opplevingar og tilrettelegging for fysisk aktivitet for ulike grupper.
Sentrale tema:
- Samfunnsperspektiv på helse
- Livsstil: Overvekt og fedme, kosthald og ernæring, hjarte- og kar- og lungesjukdomar, diabetes, muskel- og skjelettlidingar.
- Trening og fysisk aktivitet i eit livsløpsperspektiv
- Fysisk helsegevinst
- Psykisk og sosial helsegevinst
- Oppleving, livskvalitet og samfunn
- Natur og subjektiv livskvalitet
- Helsefremming i samfunnet
- Kropp, natur og bevisstheit
Emnet inngår som del av Bachelor i idrett og kroppsøving og Bachelor i friluftsliv og naturguiding.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskap om teoriar og pågåande forskingsarbeid knytt til livsstil og trening.
- har kunnskap om teoriar og pågåande forskingsarbeid knytt til opplevingar og helse.
- har kunnskap til å kunne reflektere over idrett og friluftsliv i eit utvida helseperspektiv.
Studenten
- har ferdigheiter til å kunne anvende helsefagleg kunnskap på praktiske og didaktiske problemstillingar.
- har ferdigheiter til å kunne bidra til utvikling av god praksis innan fagområdet gjennom utveksling av synspunkt og erfaringar.
Studenten
- kan bruke kunnskapen og ferdigheitene til å drive opplæring innan helsefremjande arbeid med vekt på betydinga av fysisk aktivitet for ulike grupper med tilrettelegging for fysisk aktivitet gjennom idrett og friluftsliv .
- kan legge til rette for helsefremjande arbeid frå eit livskvalitetsperspektiv som rommer meir enn den fysiske aktiviteten
- har evne til å reflektere og tenke kritisk med tanke på tilrettelegging for ulike individuelle behov.
Studiearbeidet vil veksle mellom plenumsdrøftingar/forelesing, rettleiing, seminar, gruppearbeid, utandørsundervisning i nærmiljø og praksis. Undervisning kan være digital.
Studenten sine opplevingar, observasjonar og erfaringar gjennom idrett og friluftsliv vil gje grunnlag for drøfting og refleksjon.
Undervisninga baserer seg på studentaktive arbeidsmåtar som krev eigenstudium, deltaking og medansvar.
Gjennom undervisninga vil studentane få eit bevisst forhold til pedagogisk bruk av IKT. Informasjonsteknologi vil vere eit reiskap i samband med informasjonssøking, arrangement, studentpresentasjonar og undervisning i faget.
Godkjent obligatorisk frammøte med aktivt deltaking i tråd med Forskrift om opptak, studium og eksamen ved Høgskulen i Volda § 6-6. Semesterplan gjev nærare informasjon om obligatoriske delar i emnet.
Arbeidskrav:
- PRAKSIS: Studentane vel alternativ A eller B: A: Godkjent praksisplan med problemstilling, inklusive HMS- og risikoanalyse, samt praksisattest for gjennomføring av eit helsefremjande tiltak over ei periode på minst 8 veker. Praksisen omfattar minimum 8 ulike møtetidspunkt for ei gruppe. Innhaldet skal vere anten trening/fysisk aktivitet tilpassa den valde gruppa sine forutsetningar eller friluftsliv som lavterskelaktivitet med eit fokus på positive opplevingar. Praksisen kan gjennomførast i gruppe på maks. 3 studentar på sjølvald praksisplass. B: Godkjent loggbok for gjennomføring av 14-dagar med fagleg fordjuping i eigen psykiske helse med naturen, enkle hjelpemiddel og lite påverking frå andre menneske som ramme for erfaring. Problemstillinga peiker på kva type tur som er best eiga. HMS-plan og plan for turen med problemstilling må godkjennast i god tid før fordjupingsturen
- Skriftleg refleksjon over metode for systematisk kunnskapsinnhenting relatert til bruk av teori i utviklingsarbeid
- Innlevert disposisjon for eksamensoppgåve (etter mal)
- Obligatorisk rettleiing knytt til utviklingsarbeid, etter dato gitt i semesterplanen
- Framføring av erfaringar frå praksis og korleis denne praksisen (alternativt fagleg fordjupingstur) er knytt til systematisk kunnskapsinnhenting og teori for medstudentar.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
Det vil bli krevd inn kr 200 i materialpengar, som skal dekke bruk av utstyr og materiell.
- Friluftsliv og naturguide - bachelor
- Idrett og kroppsøving - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Oppgave | Individuell | Semester | A-F, der A er best og E er siste ståkarakter | Sjå eige skriv om vurderingskriteriar. | Alle | Maks 4000 ord. Litteraturliste og planer legges ved utenom ordtelling. |