MUS223 Komposisjon og improvisasjon
Musikk årsstudium eller tilsvarande.
Komposisjon og improvisasjon er eit emne der studenten skal finne potensial i eit musikalsk materiale og arbeide mot å utvikle eit personleg musikalsk uttrykk. I undervisinga vert det fokusert på eit utval prinsipp og teknikkar for komposisjon og improvisasjon, og intuitive gehørsbaserte arbeidsmåtar i samspel. Emnet omfattar både skriftlege og praktiske arbeid. Studenten skal reflektere over eigenutvikling og kunstnarlege prosessar. Emnet kan vere ein basis for pedagogisk arbeid med komposisjon og improvisasjon i skulen, kulturskulen og det frivillige musikklivet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Kandidaten har kunnskap om
- eit utval komposisjons- og improvisasjonsteknikkar
- intuitive prosessar
- forskings- og utviklingsarbeid innanfor feltet
Kandidaten kan
- bruke komposisjons- og improvisasjonsteknikkar i eige kreativt arbeid
- produsere eit tradisjonelt partitur
- reflektere over eige musikkskapande arbeid og drøfte ulike alternativ for vidareutvikling
Kandidaten
- har innsikt i faglege og etiske problemstillingar, særleg knytt til opphavsret og bruk av nyskriven musikk
- kan planlegge og evaluere arbeidsoppgåver og prosjekt innan komposisjon og improvisasjon
- kan formidle sentrale idear og problemstillingar både skriftleg, munnleg og praktisk-musikalsk
- kjenne til nytenking og innovasjonsprosessar innan feltet
Emnet har ei samlingsbasert organisering. Arbeidsmåtar vekslar mellom forelesing, praktisk arbeid i grupper og individuelt arbeid under rettleiing.
Frammøtekrav:
Det er obligatorisk frammøte til all undervising jamfør Forskrift om opptak, studium og eksamen ved Høgskulen i Volda, §6-6
Arbeidskrav:
- 3 oppgåver i komposisjon og improvisasjon
- Førebuing til og deltaking i ein konsert med komposisjonar og improvisasjonar av studentane
- Ein skriftleg tekst på minst 2000 ord knytt til eige praktisk arbeid
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Musikk - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 semester | A-F, der A er best og E er siste ståkarakter | 0 % | Eksamensmappa skal innehalde tre modular innan komposisjon, improvisasjon og refleksjon. | ||
Munnleg justerande eksamen | Individuell | - | 100 % |