Semestre

REL212N-AVG Fordjupningsoppgåve i religion og livssyn (avgiftsbasert)

Emnekode: 
REL212N
Varighet: 
1 semester
Studiepoeng: 
15
Studienivå: 
Bachelor (fordjupingsnivå)
Undervisningssemester: 
2019 Vår
Eksamenssemester: 
2019 Vår
Undervisningsspråk: 
Norsk
Krav til forkunnskapar

Grunnstudium (60 eller 50 studiepoeng på 100-nivå) i religion, livssyn og etikk (t.d. REL111N-AVG, REL112N-AVG, REL113N-AVG og REL114N-AVG) eller tilsvarande. I tillegg må studenten ta eitt valfritt emne på fordjupningsnivå anten før eller parallelt med REL212N-AVG.

Om emnet

Formålet med emnet er å gje studenten trening i å arbeide med ei større skriftleg oppgåve. Studenten skal fordjupe seg i eit tema, arbeide med ei problemstilling, samle inn og vurdere kjelder og litteratur. Oppgåva skal som hovudregel knytast til eitt av dei teoretiske 200-emna. Oppgåva skal oppfylle formelle reglar til utforming (litteraturtilvisingar/noteapparat, innleiing, konklusjon m.v.) som blir gjevne i eigen instruks. Temaet skal vere fastsett i samarbeid med ein oppnemnd rettleiar. Til oppgåva skal studenten ha sjølvvald litteratur på omlag 1000 sider. 

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar
  • kjenne til forskings- og utviklingsarbeid innanfor faget
  • ha spesialisert kunnskap om eit avgrensa område
Ferdigheiter
  • ha ferdigheiter i fagleg skriving
  • ha ferdigheiter i planmessig arbeid med emneavgrensing, problemformulering, stoffsamling og kjelder
  • kunne reflektere over eiga fagleg handsaming og justere denne under rettleiing
  • kunne finne, vurdere og vise til informasjon og fagstoff og framstille dette slik at det belyser ei problemstilling
  • kunne beherske relevante faglege verktøy, teknikkar og uttrykksformer
  • ha ferdigheiter i dei ulike stega i skriveprosessen fram mot eit ferdig produkt
Generell kompetanse
  • kan formidle sentralt fagstoff som teoriar, problemstillingar og løysingar både skriftleg, munnleg og gjennom andre aktuelle uttrykksformer
  • kan utveksle oppfatningar og erfaringar med andre med bakgrunn innan fagområdet
Praktisk organisering og arbeidsmåtar

Emnet er avgiftsbasert. Det blir gjeve eit kort kurs i oppgåveskriving og seminardeltaking i Canvas. Studenten får tildelt ein rettleiar. Omfanget av rettleiinga er avgrensa til tre –3– konsultasjonar. Det blir arrangert to obligatoriske oppgåveseminar i Canvas der kvar student skal leggja fram eit utkast av sitt eige arbeid, og der ho/han også skal vera kritikar til eit utkast av ein medstudent.

Vilkår for å framstille seg til eksamen

Godkjent deltaking på begge oppgåveseminara.

Sensorordning

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11 (http://lovdata.no/forskrift/2014-12-04-1697/%C2%A75-11)

Evaluering og kvalitetssikring

Emnet vert evaluert i samsvar med HVO sitt kvalitetssikringssystem. 

Minimumstal: 
5
Maksimumstal: 
30
Emneansvarleg: 
Knut-Willy Sæther
Studieavgift

4000,-

Emnet inngår i følgande studieprogram
  • Religion, livssyn og etikk - fordjupingsstudium (nettstudium)
VurderingsformGrupperingVarighetKarakterskalaAndelKommentarHjelpemidlerOmfang
Oppgave
Individuell
A-F, der A er best og E er siste ståkarakter
Digital eksamen.
Alle
8000-10000 ord
Godkjent av: 
Anne Øie