Programmering for utvikling av matematisk kompetanse
Kort om forskingsprosjektet
I dei seinare åra har programmering fått meir merksemd i læreplanane i fleire land, mellom anna i Noreg. Det er forventa at introduksjon av programmering i skulen vil ha positiv effekt på programmeringskompetansen til elevane. Kva effekt det har på utvikling av matematiske kompetansar, er ikkje klart. Eit sentralt mål i dette forskingsprosjektet er å finne ut meir om korleis programmering kan bli integrert i matematikkfaget på ein måte som legg til rette for at elevane utviklar matematisk kompetanse.
Forskingsprosjektet utviklar og evaluerer undervisningsmateriell og praksisar opp mot kjerneelementa i læreplanen i matematikk:
- Utforsking og problemløysing
- Modellering og anvendingar
- Resonnering og argumentasjon
- Representasjon og kommunikasjon
- Abstraksjon og generalisering
Gjennom prosjektet blir undervisningsmateriell utvikla og evaluert i eit samarbeid mellom lærarar, lærarstudentar og forskarar. Undervisningsmateriellet blir analysert med eit utforskande mixed methods-design.
Eit av måla i prosjektet er å hauste erfaringar som kan vere nyttige i vidare arbeid med implementering av programmering i matematikkfaget i både grunnskulen og vidaregåande skule.
Fakta
- Prosjektleiar er førsteamanuensis Andreas Brandsæter ved Institutt for realfag på Høgskulen i Volda (HVO).
- Prosjektet er støtta av Noregs forskingsråd med ei total tildeling på 9,7 millioner kroner.
- Prosjektet varer frå 2023 til 2026.
- Mellom partnarane i NFR-søknaden finn vi Universitetet i Agder, NTNU, Ålesund kommune, Møre og Romsdal fylkeskommune og Skaparhuset.
Stipendiatar
Det er to stipendiatstillingar i forskingsprosjektet.
Stipendiat 1
Forskingsområde: Korleis påverkar programmering matematikkundervisninga? Korleis kan programmering hjelpe elevane med å forstå matematikk og å utvikle matematiske kompetansar?
Rettleiarar:
- førsteamanuensis Andre Martiny, Institutt for matematiske fag ved Universitetet i Agder
- førsteamanuensis Runar Lie Berge, Institutt for realfag ved Høgskulen i Volda
- førsteamanuensis Beate Krøvel Humberset, Institutt for realfag ved Høgskulen i Volda
Stipendiat 2
Forskingsområde: Kva bør og kan elevane lære om kunstig intelligens (KI)? Korleis bør vi jobbe med KI i skulen? Kva matematiske kompetansar, ferdigheiter og kunnskapar er viktige for framtida sine borgarar?
Rettleiarar:
- førsteamanuensis Andreas Brandsæter, Institutt for realfag ved Høgskulen i Volda
- professor Hans Georg Schaathun, Institutt for IKT og realfag ved NTNU
- førsteamanuensis Inga Strümke, Institutt for datateknologi og informatikk ved NTNU
- førsteamanuensis Thea Bjørnland, Institutt for matematiske fag ved NTNU
Publisering
Berge, Runar Lie; Sæterås, Bjørnar; Brandsæter, Andreas (2022)
Integrated Programming and Mathematics in Schools - A Solid Foundation for a Future Engineering Education? I: Towards a new future in engineering education, new scenarios that European alliances of tech universities open up. Société européenne pour la formation des ingénieurs (SEFI) 2022 ISBN 978-84-123222-6-2. s. 970-978
HVO
Brandsæter, Andreas (2021)
Programming in Mathematics Education: An Intermediary between the Real-World and the Mathematical Model. NIKT: Norsk IKT-konferanse for forskning og utdanning 2021
HVO, NTNU
Pressemeldingar om prosjektet
Hivolda.no: «9,7 mill. til forsking på programmering i mattefaget» (28.6.2023)
Presseklipp i utval
- Sunnmørsposten: «Er programmeringens plass i skolematematikken fortjent?» (8.11.2023)
- Digi.no: «Vi trenger mer kompetanse om KI. Men hva skal vi lære?» (6.10.2023)
- Digi.no (+): «Hva trenger elevene egentlig å lære om KI? Det skal Andreas finne ut av» (6.10.2023)
- Sunnmørsposten: «9,7 millionar til forskingsgruppe ved Høgskulen i Volda» (28.6.2023)