Programmering for utvikling av matematisk kompetanse

I dei seinare åra har programmering fått meir merksemd i læreplanane i fleire land, mellom anna i Noreg. Det er forventa at introduksjon av programmering i skulen vil ha positiv effekt på programmeringskompetansen til elevane. Kva effekt det har på utvikling av matematiske kompetansar, er ikkje klart. Eit sentralt mål i dette forskingsprosjektet er å finne ut meir om korleis programmering kan bli integrert i matematikkfaget på ein måte som legg til rette for at elevane utviklar matematisk kompetanse.

Forskingsprosjektet utviklar og evaluerer undervisningsmateriell og praksisar opp mot kjerneelementa i læreplanen i matematikk:

1. Utforsking og problemløysing
2. Modellering og anvendingar
3. Resonnering og argumentasjon
4. Representasjon og kommunikasjon
5. Abstraksjon og generalisering

Gjennom prosjektet blir undervisningsmateriell utvikla og evaluert i eit samarbeid mellom lærarar, lærarstudentar og forskarar. Undervisningsmateriellet blir analysert med eit utforskande mixed methods-design.

Eit av måla i prosjektet er å hauste erfaringar som kan vere nyttige i vidare arbeid med implementering av programmering i matematikkfaget i både grunnskulen og vidaregåande skule.

Forholdet mellom oppdaging og grunngjeving fører til eit anna paradoks i skulematematikken. Oppdagingskonteksta vert neglisjert, og studentane får ofte ikkje sjå korleis matematikarar arbeider i praksis, sjølv ikkje på universitetet etter meir enn tolv år med skulematematikk. Difor får me den vanlege misoppfattinga som Schoenfeld (1988) peikte på. Elevane freistar å finna løysinga slik som læraren demonstrerer ho, og ventar at dei skal klara det like raskt og på fyrste forsøk. Mange gjev opp dersom dei ikkje ser løysinga med ein gong, og det er ikkje rart når læraren aldri har vist dei korleis han sjølv prøver og feiler når han løyser eit problem for fyrste gongen.

Pressemeldingar om prosjektet

Hivolda.no: «9,7 mill. til forsking på programmering i mattefaget» (28.6.2023)