Forskingsdata

Forskingsdata er informasjon i form av tal, tekst, bilete, lyd, video som vert generert eller oppstår undervegs i eit forskingsprosjekt. Dette inkluderer både data som er generert gjennom ny analyse, ei samanstilling av eksisterande data, eller nye data generert gjennom ny datainnsamling.  

Nasjonale retningslinjer og strategiar 

Det vert stadig stilt auka krav og forventningar til open tilgang til forskingsdata, til dømes frå vitskaplege tidsskrift og finansiørar av forsking. Forskningsrådet (NFR) sin policy for tilgjengeleggjering av forskingsdata skal medverke til at forskingsdata vert tilgjengeleg for brukarar på like vilkår, og til lågast mogleg kostnad. Retningslinjene gjeld for data i prosjekt som er finansiert av NFR, med nokre unntak. Regjeringa sin nasjonale strategi for tilgjengeleggjering av data kan du finne her.  

FAIR-prinsippa 

Både i regjeringa sin strategi, NFR sin policy og i EU sine krav vert det oppfordra til å handtere forskingsdata i samsvar med FAIR-prinsippa. FAIR står for Findable, Accessible, Interoperable og Re-usable, og er utarbeida for å fremje god utnytting og vidare bruk av data. Ifølgje FAIR-prinsippa skal forskingsdata vere av ein kvalitet som gjer dei tilgjengelege, gjenfinnbare og gjenbrukbare. I tillegg skal data og metadata kunne handterast maskinelt, og ein skal bruke konsistente vokabular.  

Finne forskingsdata  

Døme på søkemotorar, ressursar og dataarkiv der ein kan finne forskingsdata innanfor eige fagfelt: 

• Registry of Research Data Repositories 
• Sikt 
• DataCite
• DataverseNO
• Google Dataset Search
• Helsedata
• Felles datakatalog
• CESSDA Data Catalogue
• Microdata
• Surveybanken