Støtte til utanlandsopphald

Stipendiatar og fagleg tilsette ved HVO kan søkje om støtte til utanlandsopphald. Føremålet er å medverke til auka mobilitet, stimulere til internasjonalt forskingssamarbeid, nettverksbygging i utlandet og internasjonal erfaring. Ordninga omfattar fast tilsette og stipendiatar der høgskulen har arbeidsgjevaransvar. Støtta skal brukast til å dekke dokumenterte meirkostnadar ved forskingsopphald i utlandet, primært utgifter til reise og bustad. Det kan vere høve til å søkje om støtte til å ta med familien på utanlandsopphald.

Utanlandsstipend er særleg aktuelt i forbindelse med doktorgradsutdanning, FoU-stipend og professor-/dosentstipend ved HVO. Søknad sendast i nettskjema. Som vedlegg skal det ligge føre invitasjon frå vertsinstitusjon, stadfesting frå avdelinga, og tilråding frå rettleiar for dei i doktorgradsutdanning. Informasjon om utgiftsgodtgjersle og forskingsstipend i utlandet finn du her. 

Søknadsfrist er 31. august 2024 for bruk påfølgande år. Sjå også Retningslinjer for utanlandsstipend.

Spørsmål om ordninga kan rettast til Forskingsadministrasjonen.