MUS224 Interpretasjon og formidling

Emnekode:

MUS224

Varighet:

1 semester

Studiepoeng:

Studienivå:

Bachelor (fordjupingsnivå)

Undervisningssemester:

2025 Haust

Emnenavn på engelsk:

Interpretation and Performance

Emnenavn på bokmål:

Interpretasjon og formidling

Eksamenssemester:

2025 Haust

Krav til forkunnskapar

Musikk årsstudium eller tilsvarande.

Om emnet

I dette emnet vert det fokusert på å utvikle studenten musikalsk og teknisk på eit valt fordjupingsinstrument, og å gi studenten teoretiske og praktiske kunnskapar innan utøvingspsykologi, interpretasjon og framføringspraksis for fleire ulike sjangrar. Ei innføring i digitale program og verktøy i samband med eiga musikkutøving inngår i studiet. Den oppnådde kompetansen er relevant i kunstnarlege utøvingssamanhengar, og den har overføringsverdi til andre område i arbeidslivet.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten har kunnskap om:

musikkinterpretasjon og -formidling innan eit utval musikksjangrar.
motivasjons- og utøvingspsykologi for musikkutøving.
tekniske og musikkfaglege utfordringar for eit valt fordjupingsinstrument.
forsking og utviklingsarbeid innan fagområdet.

Ferdigheiter

Studenten kan:

innstudere og framføre eit solo- og samspelrepertoar på eit valt fordjupingsinstrument.
nytte digitale program og verktøy i samband med eiga utøving.
nytte omgrep frå ulike perspektiv innan musikkinterpretasjonslitteraturen i samband med musikkutøving.

Generell kompetanse

Studenten kan bruke kunnskapar og ferdigheiter på ein sjølvstendig måte i ulike situasjonar gjennom å vise samarbeidsevne, ansvarskjensle, evne til refleksjon og kritisk tenking i utdanning- og yrkessamanheng.

Praktisk organisering og arbeidsmåtar

Organiseringa vekslar mellom forelesingar i sentrale emne, gruppearbeid og prosjekt, og det vert gitt individuell rettleiing på fordjupingsinstrument. Det vert lagt vekt på studiar av kunstnarleg verksemd og kulturoppleving, anten i form av studietur eller konsertbesøk i regionen.

Vilkår for å framstille seg til eksamen

Frammøtekrav:

Det er obligatorisk frammøte til all undervisning. Sjå Forskrift om opptak, studium og eksamen ved Høgskulen i Volda, §6-6, om frammøte/deltaking i undervisninga.

Arbeidskrav:

Aktiv medverknad som arrangør og utøvar på:
1. ein dag- eller kveldskonsert åleine eller i gruppe
2. ein huskonsert
Kombinert skriftleg rapport og videologg over eigenutvikling med referanse til pensumlitteratur
Individuell skriftleg oppgåve på 2000 ord knytt til interpretasjon med obligatorisk rettleiing.
Deltaking på øvingar og konsertar med høgskulen sitt kor og/eller orkester. Vidareutdanningsstudentar som kan dokumentere deltaking i liknande ensemble kan søkje fritak frå deltaking i høgskulen sitt kor og/eller orkester.

Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Minimumstal:

Maksimumstal:

Emneansvarleg:

Svein Ole Hunnes

Emnet inngår i følgande studieprogram