MEI314 Masteroppgåve i helse og sosialfag (30 stp)
I alt 60 studiepoeng av masterprogrammet må vere fullført for å få opptak til emnet. Dei obligatoriske emna Meistring og myndiggjering – samhandlingsperspektivet og Meistring og myndiggjering - strukturperspektivet må vere fullførte med karakteren C eller betre for å få opptak. Masteroppgåve kan ikkje leverast før ein har bestått eksamen i Forskingsmetode og vitskapsteori.
Emnet Masteroppgåve er det avsluttande på Masterstudiet i helse- og sosialfag. Studiet skal gi studentane kunnskap, ferdigheiter, haldningar og etisk medvit til å fremje læring, meistring og myndiggjering i eige arbeid.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
- Kandidaten skal ha inngåande kunnskap om forskingsmetoden som er valt for masteroppgåva.
- Kandidaten skal ha inngåande kunnskap om forskingsetiske retningslinjer.
- Kandidaten skal ha omfattande kunnskap om feltet kandidaten vel å forske på.
- Kandidaten skal ha forskingsmetodisk kunnskap til å kunne analysere og vurdere eiga og andre si forsking.
- Kandidaten skal ha god kunnskap om krav til akademisk skriving.
- Kandidaten skal ha sjølvstendige ferdigheiter til å utvikle eit helse- eller sosialfagleg forskingsopplegg som gir relevante data; innsamla og analysert med vitskaplege metodar.
- Kandidaten skal kunne vurdere om ulike forskingsdesign er tenlege for å utvikle kunnskap og analysere og vurdere eiga og andre si forsking.
- Kandidaten skal ha gode ferdigheiter til å kunne gjere grundige vurderingar av forskingsetiske omsyn gjennom heile forskingsprosessen.
- Kandidaten skal kunne finne og gjere seg nytte av relevant litteratur og kunne setje eiga forsking inn i ei teoretisk fruktbar ramme på ein kritisk reflektert måte.
- Kandidaten skal i høg grad meistre akademisk skriving og skal kunne presentere eigne forskingsprosjekt, resultat og faglege drøftingar skriftleg og munnleg.
- Kandidaten skal utvikle god kompetanse i å planlegge, gjennomføre, presentere og reflektere kritisk i sjølvstendige forskings- og utviklingsprosjekt.
Arbeidet med masteroppgåva startar medan ein tek emnet Forskingsmetode og vitskapsteori. Studentane må ta del i seminar der dei legg fram sitt eige masterprosjekt og gir tilbakemelding på medstudentar sine prosjekt.
Aktiv deltaking frå studentane er ein føresetnad for læringsutbytet.
For å levere masteroppgåva til vurdering, må studenten ha bestått til eksamen i emnet Forskingsmetode og vitskapsteori. Masteroppgåva må vere bestått for å få gå opp til munnleg justerande eksamen.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Helse- og sosialfag - master (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Masteroppgåve | Individuell | 2 Semester | A-F, der A er best og E er siste ståkarakter | Masteroppgåva blir evaluert av ein kommisjon med to medlemmar og får ein førebels bokstavkarakter. | Alle. | 25.000 ord (+/- 10%). Skrifttype Times New Roman, linjeavstand 1,5 og bokstavstorleik 12-punkt. Standard framside, obligatorisk samandrag (norsk og engelsk), forord, innhaldsliste, litteraturliste og eventuelle vedlegg tel ikkje med i talet på ord. | |
Munnleg justerande eksamen | Individuell | 45 minutt | A-F, der A er best og E er siste ståkarakter | 100 | Munnleg justerande eksamen der masteroppgåva skal forsvarast, inntil 45 minutt. Munnleg justerande eksamen fastset den endelege karakteren i emnet. |