Studentprest

Studentprest Ruth Eva Sollie er tilsett av Den norske kyrkje, og er ein del av helse- og velferdstilbodet til studentane i Volda. Studentpresten si viktigaste oppgåve er å vere ein samtalepartnar for deg som av ulike grunnar treng nokon å snakke med.  

Det er mykje som skjer i livet gjennom studietida. Noko har du kanskje behov for å dele, og studentpresten er her for å lytte til det du har på hjartet. Det er rom for å snakke om alle slags tema med studentpresten, og det er rom for å leite etter ord for korleis du har det. Du treng ikkje å ha er ein religiøs bakgrunn eller problemstilling – du som kjem bestemmer kva vi skal snakke om. Studentpresten har teieplikt, og tenesta er gratis. Studentpresten fører ikkje journal; du kan få kome og gå med blanke ark.