Spørsmål og svar om PPU

Praktisk-pedagogisk utdanning for allmenne fag er først og fremst for deg som har tatt ei fagutdanning med skulerelevante fag, og som no ynskjer å kvalifisere deg til å verte lærar innan allmenne fag på ungdomssteget eller i vidaregåande skule. Utdanninga kvalifiserer også for arbeid på mellomsteget. Høgskulen i Volda tilbyr PPU for allmenne fag både som campusbasert heiltidsutdanning på eitt år, og som samlingsbasert, nettstøtta deltidsutdanning over to år. Du må ha:

- Mastergrad og minimum 60 undervisningsrelevante studiepoeng innan eit av desse fagområda: norsk, musikk, samfunnsfag, framandspråk, religion, livssyn og etikk, naturfag eller matematikk.

 - Eller med praktiske estetiske fag og minimum bachelorgrad, og minst 120 studiepoeng i eit av fagområda: kroppsøving, mediefag og kunst og håndverk. 

Les meir om utdanningane her:

PPU allmennfag, heiltid

PPU allmennfag, deltid

Praktisk pedagogisk utdanning for yrkesfag er først og fremst for deg som har tatt ei yrkesretta utdanning og som no ynskjer å kvalifisere deg til å verte yrkesfaglærar i vidaregåande skule. Utdanninga kvalifiserer også for lærararbeid på ungdomssteget, instruktør i bedrift, opplæringskontor, anna vaksenopplæring og innanfor høgre utdanning i dei fagområda studenten er kvalifisert for. Du må ha:

- Treårig profesjonsretta universitets- eller høgskuleutdanning (eks. sjukepleiar eller ingeniør), og minst to år med relevant praksis etter fullført utdanning. Profesjonsretta utdanning er i denne samanhengen utdanning som kvalifiserer for undervisning på yrkesfaglege studieretningar på vidaregåande opplæring.

- Eller fagbrev eller annan fullført yrkesutdanning på vidaregåande nivå. Det er i tillegg krav om generell studiekompetanse, to år med yrkesteoretisk utdanning og minst fire år med relevant praksis- inntil to års læretid vert rekna som ein del av relevant praksis.

Les meir om denne utdanninga her: PPU yrkesfag, deltid

PPU opptaket opnar for søking 1. februar og har søknadsfrist 15. april. 

Rundt midten av juni kjøres opptaket og vi sender ut tilbodsbreva. Merk at all korrespondanse med tilbod og svar registrering skjer elektronisk.

PPU har lokalt opptak. Du finn meir informasjon om korleis søkje her: https://www.hivolda.no/opptak

Opptakskrava er regulert i desse forskriftene:

PPU for allmenne fag: https://lovdata.no/forskrift/2015-12-21-1771/§6 

PPU for yrkesfag: https://lovdata.no/forskrift/2013-03-18-289/§5

Les meir om rangering av søkarane til PPU i retningsline for opptak på PPU allmennfag. Merk at søkjarane verte i tillegg rangert på grunnlag av gjennomsnittskarakter frå relevant undervisningsfag i opptaksgrunnlaget.

Kva type dokumentasjon er det krav om?

Ulike studium krev ulik dokumentasjon. Les meir om dokumentasjon og korleis du kan sende den inn  her.

Dokumentasjonskontroll, kva er det?

Studentar har plikt til å vise fram originaldokumentasjon på oppmoding, jf. forskrift om opptak, studier og eksamen ved Høgskolen i Volda § 3-7 (7). Kvart år kontrollerer vi tilfeldige studentar.  Dei som blir plukka ut får beskjed om dette på e-post. Det er viktig å vere klar over at det er du sjølv som har ansvar for at all din dokumentasjon er rett. 

Dersom du ikkje leverer originaldokumentasjon innan oppgitt frist, kan du miste studieplassen din. Forfalsking av dokumentasjon vert ramma av Straffelova § 361 første ledd, bokstav a og b, og vil alltid bli meldt til politiet.

Kva er realkompetanse?

All kunnskap du har skaffa deg gjennom lønna eller ulønna arbeid, utdanning, organisasjonsarbeid, kurs eller på annan måte.

Kven kan søkje opptak på grunnlag av realkompetanse?

Alle som er 25 år eller eldre i opptaksåret og som ikkje har generell studiekompetanse.

Er fullført grunnskule nok skulegang i tillegg til relevant praksis?

Nei, du må minimum ha fullført eitt år med vidaregåande skule. Relevant praksis kan til dømes være assistent i barnehage for opptak til barnehagelærer, men derimot praksis som frisør er lite relevant til same utdanning.

Kor mykje praksis må eg ha?

Minimum 5 år med skule og/eller yrkespraksis. Av dette må minimum 3 år vere relevant praksis i den retninga du søkjer. 

Du har fleire mulege måtar å logge seg på Søknadsweb. Dersom du har studert ved Høgskulen i Volda dei siste åra, kan du logge på via Feide - med brukarnamnet og passordet som du nytta når du studerte her.

Har du ikkje studert her tidlegare, kan du logge på med ID-porten. Her kan velje om du vil nytte MinID, BankID, Buypass eller Commfides. Du vel metode for innlogging til høgre i påloggingsvindauga. 

Nei, sjølv om du skulle ha lang praksis som ufaglært lærar gir det ikkje fritak med mindre du har fått innpassing av tidlegare utdanning. Innpassing må du søke spesielt om etter at du har fått opptak og takka ja.

PPU for allmenne fag kvalifiserer til arbeid på mellomsteget (frå 5. klasse) og ungdomssteget i grunnskulen, på vidaregåande skule og i vaksenopplæringa.

PPU for yrkesfag er primært for undervisning på yrkesfag i vidaregåande skule, men kvalifiserer frå 8. klasse.

Du kan lese meir om krav for tilsetjing og kompetansekrav for lærarar på Udir sine sider.

På PPU-heiltid er det 6 veker praksis om hausten og 6 veker om våren - totalt 60 dagar. På deltid er det 6 veker praksis kvart studieår, totalt 60 dagar. 

Det er også muleg å ta delar av praksisen i utlandet, ved kulturskuler, folkehøgskuler eller andre relevante opplæringsarenaer. Dette gjerast i samråd med praksisansvarleg ved PPU.

Nei, det er ingen studieavgift på PPU, men du må betale ordinær semesteravgift, på lik linje med andre studentar ved Høgskulen.

PPU er styrt av nasjonale forskrifter og retningslinjer. Her kan du lese

Nasjonale retningslinjer for PPU yrkesfag trinn 8- 13

Nasjonale retningslinjer for PPU allmennfag trinn 8 - 13

Vil du vite meir om kompetansekrav til lærarar, sjå på Utdanningsdirektoratet sine sider: