Barnevernsarbeid
Vidareutdanning (masternivå)
Sikring av barns medverknad i avgjerdsprosessar i barnevernet er viktig. Studiet skal gi deg kompetanse om samhandling med barn, unge og familiar i ulike situasjonar.
Barns rett til vern og vurderingar av barns beste er sentralt i emnet, der avgjerdsprosessar i barnevernsarbeid verte drøfta med utgangspunkt i kunnskapsgrunnlaget for fagleg kvalitet i utgreiings - og tiltaksarbeid.
Familiearbeid og miljøterapi i barnevernsarbeid har også ein sentral plass i emnet.
Les meir om emnet i emneplanen.
- Deltid, Samlingar
- Varigheit 1 semester
- 15 studiepoeng
- Start haustSøknadsperiode 01.02.2024 -
Løpande opptak til studiet er fullteikna.
- Opptakskrav
- Fullført bachelorutdanning, som gir yrkestittel sosionom, vernepleiar eller barnevernspedagog
- Søkarar med anna helsefagleg, pedagogisk, psykologisk eller samfunnsvitskapleg utdanning, og minimum eitt års relevant yrkeserfaring frå arbeid med barn unge og familiar i utsette livssituasjonar kan få særskilt vurdering.
- Det er krav om minst karakteren C i snitt frå bachelorgraden
Undervisningsmåtar og vurderingsordningar
Undervisninga er lagt til tre vekesamlingar. Det er lagt vekt på studentaktive læringsformer, der det vert veksla mellom førelesning og arbeid i lærarstyrte grupper. I gruppearbeida skal studentane reflektere over og drøfte kasus henta frå eigen praksis og analysere desse i lys av relevant teori. Samanhengen mellom teoretiske perspektiv og utøving av barnevernarbeid er sentralt.
Mellom samlingane skal studentane arbeide med oppgåveløysing og sjølvstudium, individuelt og i grupper.
Aktuelle yrke og vidare studium
Emnet inngår i Master i barnevernsarbeid ved Høgskulen i Volda.
Tidspunkt for oppmøte og samlingar
Emnet er organisert med 3 samlingsveker. Tysdag, onsdag og torsdag er undervisningsdagar med fysisk oppmøte. Måndag og fredag er studiedagar, der studentane får digitale opplegg i Canvas.
Fyrste undervisningsdag med fysisk oppmøte er tysdag 3. september 2024. Samlinga startar kl 09:15 på SA227 (Sivert Aarflot-huset).
- Samling 1, veke 36: tysdag 03/09 - torsdag 05/09 - 2024
- Samling 2, veke 40: tysdag 01/10 - torsdag 03/10 - 2024
- Samling 3, veke 46: tysdag 12/11 - torsdag 14/11 - 2024
- Deltid, Samlingar
- Varigheit 1 semester
- 15 studiepoeng
- Start haustSøknadsperiode 01.02.2024 -
Løpande opptak til studiet er fullteikna.
- Opptakskrav
- Fullført bachelorutdanning, som gir yrkestittel sosionom, vernepleiar eller barnevernspedagog
- Søkarar med anna helsefagleg, pedagogisk, psykologisk eller samfunnsvitskapleg utdanning, og minimum eitt års relevant yrkeserfaring frå arbeid med barn unge og familiar i utsette livssituasjonar kan få særskilt vurdering.
- Det er krav om minst karakteren C i snitt frå bachelorgraden
Søknadskode : 4404