Innføringsemne Vidareutdanning (bachelornivå)
Examen philosophicum
Examen philosophicum (ex.phil.) skal gi deg innsikt i sentrale filosofiske spørsmål og korleis ei rekkje filosofar har drøfta og svart på desse spørsmåla til ulike tider. Dei sentrale fagområda er filosofi- og vitskapshistorie, generell vitskapsfilosofi og allmenn moralfilosofi.
- Start:
- Haust Vår
- Omfang:
- Deltid Nettstudium
- Studiepoeng:
- 10,0
- Varigheit:
- 1 semester
- Studietype:
- Innføringsemne Vidareutdanning (bachelornivå)
- Søk frå:
- 01.02.2025
Studiet har løpande opptak.
Fagstoffet er delt i tre delar:
- Filosofi- og vitskapshistorie: oversyn over filosofi- og vitskapshistoria frå oldtida til i dag med særleg konsentrasjon om oldtidsfilosofien og nyare tid frå og med Descartes.
- Etikk: grunnleggjande problem og teoriar innanfor moralfilosofien.
- Vitskapsfilosofi: grunnleggjande problem og teoriar innanfor vitskapsfilosofien. Hovudvekta ligg på utviklinga på 1900-talet.
Emnet kan inngå i bachelorgradar, og er likeverdig med tilsvarande studium ved universiteta.
All undervisning og eksamen er nettbasert.
Opptakskrav
Generell studiekompetanse
Undervisningsmåtar og vurderingsordningar
Emnet er organisert som eit nettstudium. Undervisinga har form av leksjonar på Canvas, utveksling av spørsmål og synspunkt i diskusjonsforum på Canvas, skriving av tre minioppgåver, og kommunikasjon med lærar på e-post. Endeleg vurdering i emnet skjer på grunnlag av ein individuell heimeeksamen over eitt døgn.
Les meir om vurderingsordningar og eksamen i emneplanen.
Aktuelle yrke og vidare studium
Emnet kan inngå i bachelorgradar, og er likeverdig med tilsvarande studium ved universiteta.
Studieplan
Examen philosophicum (nettstudium)
Fagstoffet er fordelt på tre delar. Den første omfattar filosofi- og vitskapshistorie. Den andre omfattar allmenn moralfilosofi. Den tredje dreier seg om generell vitskapsfilosofi.
Del 1: Filosofi- og vitskapshistorie
Delen gjev eit oversyn over filosofi- og vitskapshistoria frå oldtida til i dag med særleg konsentrasjon om oldtidsfilosofien og nyare tid frå og med Descartes.
Del 2: Etikk
Delen skal gje eit oversyn over grunnleggjande problem og teoriar innan moralfilosofien.
Del 3 Vitskapsfilosofi
Delen skal gje eit oversyn over nokre grunnleggjande problem og teoriar innan vitskapsfilosofien. Hovudvekta ligg på utviklinga på 1900-talet.
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
Studenten:
- har kjennskap til kva dei sentrale filosofiske spørsmåla dreier seg om
- har kjennskap til korleis nokre sentrale filosofar har drøfta og svara på desse spørsmåla til ulike tider
- har særleg innsikt i ulike kunnskapsteoriar og kvar dei viktigaste filosofane plasserer seg kunnskapsteoretisk
Studenten:
- har tileigna seg innsikt i grunnleggande vitskaplege tenkemåtar og metodar, og til ei viss grad kunne applisere desse på ulike fagstudium
- har tileigna seg innsikt i grunnleggande omgrep, teoriar og tenking innan allmenn etikk
Studenten:
- har utvikla evne til sjølvstendig refleksjon omkring både filosofiske, viskapsteoretiske og grunnlagsetiske spørsmål – som vil kunne vere til nytte i ulike fagstudium, for eiga tenking kring eksistensielle spørsmål, og for utfordringar framtidige yrke kan kome til å byde på
Dette studieprogrammet inneheld berre eitt emne, EXP100N. Emnet er organisert som eit nettstudium. Undervisinga har form av leksjonar og undervisningsfilmar i Canvas. Det blir også lagt opp til møtepunkt i sanntid i Zoom mellom studentar og faglærarar. Det vert utarbeidd ein plan/kalender over nettundervisninga med tidspunkt for utsending av leksjonar og fristar for innlevering av oppgåvene. I løpet av semesteret skal kvar student skrive to oppgåver. Oppgåvene skal ha ein storleik på ca. 1000 ord og skal leverast i Canvas innan oppgjevne tidsfristar. Lærar kommenterer og vurderer dei to oppgåvene. Oppgåvene må vere godkjende før ein kan ta eksamen.
| Emne | 2025 Vår |
|---|---|
Emnet har oppstart både haust og vår | |
| 10 | |
| Sum (10 total) | 10 |
