Offentleg leiing og kommunikasjon

Studentane skal mellom anna utvikle kompetanse til å analysere og forstå utviklingstrekka og utfordringane i offentleg sektor, og få kunnskap om perspektiv, teoriar og metodar som er relevante for offentleg organisering og leiing. Les meir i emneplanen her.

Undervisninga er samlingsbasert og lagt opp med ein kombinasjon av forelesingar, dialog, gruppearbeid, presentasjon og drøfting i plenum m.m. Det er lagt vekt på praktiske øvingar med utgangspunkt i deltakarane sine eigne utfordringar. Det blir forventa at deltakarane driv sjølvstudium mellom samlingane og at dei leverer heimeoppgåver for kommentering og for framlegging i klassa.

Studiet kan gjennomførast som frittståande vidareutdanning eller det kan inngå som obligatorisk del av master i Samfunnsplanlegging og leiing og som valfri del i master i Helse- og sosialfag - meistring og myndiggjering ved Høgskulen i Volda.

IPA303 Offentleg leiing og kommunikasjon

Samlingar vår 2025: Undervisninga er lagt til 3 samlingar i veke 2, 6 og 11. 

Samlingane i veke 2 og 6 består av campus-undervisning onsdag til fredag. I tillegg vert det lagt ut videoforelesningar tilsvarande ein dags undervisning. Det er viktig at studentane har sett igjennom videoane før dei møter på samlinga. 

Samlinga i veke 11 går over fire undervisningsdagar, tirsdag til og med fredag. Undervisninga tirsdag til og med torsdag skjer på campus, mens fredagen vert gjennomført som eit digitalt seminar.

Fyrste undervisningsdag: onsdag 8. januar, kl 09:15, rom HS220