Kompetanse for kvalitet Vidareutdanning (bachelornivå)
Programmering for lærarar, 8.–13. trinn
Vidareutdanninga er tilrettelagt for lærarar utan erfaring i programmering. Målet er å gi kompetanse i programmering og didaktikk for bruk i ulike fag frå 8.–13. trinn.
Kompetanse for kvalitet Vidareutdanning (bachelornivå)
Søk frå:
01.02.2025 - 15.04.2025
Vidareutdanninga er tilrettelagt for lærarar utan erfaring i programmering. Målet er å gi kompetanse i programmering og didaktikk for bruk i ulike fag frå 8.–13. trinn.
Ein viktig del av studiet er tekstbasert programmeringsspråk og koding med ulike fysiske objekt relevant for eigen praksis. Likevel vil vi i studiet også introdusere andre tilnærmingar for programmering, som kan gjere undervisninga meir variert og motiverande.
Vi diskuterer også programmering i eit samfunnsperspektiv og gjer etiske vurderingar. Utprøving i faget blir integrert i eigen praksis og progresjon kan tilpassast skulen sin årsplan.
Korleis søkje støtte til vidareutdanning for lærarar:
Gjennom UDIR si ordning Kompetanse for kvalitet (KFK) og Kompetanse for fremtidens barnehage (KFB) kan du som jobbar i skulen og tar vidareutdanning også søkje økonomisk støtte.
Det er også mogleg å søkje vidareutdanningar ved Høgskulen i Volda utan vikar og stipendstøtte frå UDIR.
Innblikk i studiekvardagen
Høgskulen har i fleire år vore i bresjen for digital kompetanse i læring, og fagtilsette held stadig på med vidareutvikling av studietilboda. No prøver høgskulelektor Torbjørn Frantsen noko nytt for å betre si eiga undervisinga om programmering.
Fullført grunnskulelærarutdanning eller tilsvarande.
Studentar som får vikar eller stipendstøtte frå UDIR har prioritet ved opptak.
Undervisningsmåtar og vurderingsordningar
All undervisning, rettleiing og vurderingsordningar i utdanninga er nettbaserte. Det er med andre ord ingen forelesingar eller anna undervisning i sanntid ("live") sidan målgruppa er lærarar i jobb. Vi brukar Teams for å få ein nærare dialog mellom lærarar og studentar, og her kan studentar møtast også direkte om dei ynskjer det.
Studentane skal levere ei vureringsmappe med utvalde arbeid frå heile semesteret. Vurderingsmappa skal leverast elektronisk.
Studieplan
Programmering for lærarar, 8.-13. trinn - Kompetanse for kvalitet
Studieprogram:
Programmering for lærarar, 8.-13. trinn - Kompetanse for kvalitet
Studienivå:
Bachelor (grunnivå)
Studiepoeng:
15
Studielengd:
2 semester
Kull:
2025
Studieplassar:
50
Studietype:
Vidareutdanning (bachelornivå)
Organisering
Deltid
Opptakskrav
Fullført lærarutdanning (grunnskulelærar, barnehagelærar, faglærar, PPU eller liknande)
Om studiet
I studiet får studenten utvikle kompetanse i å integrere programmering i undervisingen. Studentane, uavhengig av tidlegare erfaring, skal utvikle kompetanse til å planleggje, gjennomføre og evaluere undervisningsopplegg som inkluderer programmering. Studentane skal både utvikle eigen praktisk kompetanse i programmering og kompetanse i korleis programmering kan integrerast i ulike undervisningsfag.
Studiet er tilrettelagt for lærarar som er tekne opp gjennom Kunnskapsdepartementet si satsing Kompetanse for kvalitet.
Studiet fokuser på praktisk arbeid med programmering med relevante verktøy og metodar for 8.-13.-trinn. Det vil i hovudsak nyttast tekstbaserte programmeringsmiljø og ein vil arbeide med mikrokontrollar og knytte dette til eiga undervisning. Studentane får også kjennskap til algoritmisk tenking utan digitale verktøy, og korleis dette kan brukast til planlegging av programmeringsprosessen.
Læringsutbytte
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram
Kunnskapar
Studenten skal
ha forståing for programmering og algoritmisk tenking si rolle i samfunnet og skulen
ha forståing for algoritmar
ha forståing grunnleggande element i tekstprogrammering
gjere greie for programmering som prosess
gjere greie for ulike didaktiske tilnærmingar til programmering
har forståing for meir avanserte programstrukturer, til dømes ved bruk av funksjonar
gjere greie for tekstbasert programmering som del av prototyping med mikrokontrollarar
Ferdigheiter
Studenten skal kunne
utforme algoritmar og pseudokode
utvikle program med ved hjelp av tekstprogrammering
kommentere, feilsøke og vidareutvikle program, samt produsere ryddig kode og dokumentasjon
planlegge, gjennomføre og evaluere undervisning knytt til programmering
vurdere elevarbeid som inkluderer programmering
overføre løysingar til nye problem ved å generalisere og tilpasse eksisterande program
utvikle prototypar med mikrokontroller
Generell kompetanse
Studenten skal kunne
arbeide sjølvstendig og saman med andre for å identifisere, analysere og løyse problem knytt til elevars læring og utvikling om programmering
bidra til å utvikle programmering i skulen som er fagleg grunngjeven
reflektere over korleis programmering kan styrke samarbeid, djupnelæring, kritisk tenking og stimulere til kreativitet.
Organisering og arbeidsmåtar
Vi legg opp til problembaserte og studentaktive arbeidsformer, individuelt og i grupper. Arbeidsoppgåver er praksisnære, relatert til læraren sin kvardag. Studiet er organisert med ein kombinasjon av nettleksjonar, ulike typar læringsressursar, øvingar, samarbeid og individuelle oppgåver.
Studiet er nettbasert og det er ikkje krav om fysisk oppmøte. I kvart delemne (haust og vår) er det obligatoriske arbeidskrav nærare spesifisert i emneplan. Eksamensforma er mappevurdering.
Programmering for lærarar, 8.-13. trinn - Kompetanse for kvalitet
Navn:
Programmering for lærarar, 8.-13. trinn - Kompetanse for kvalitet
Studenten må ha tilgang til datamaskin med internett, nødvendig programvare og utstyr som webkamera, headset og mikrofon. Studenten må også ha tilgang til utstyr knytt til prototyping med mikrokontrollerar. Naudsynt utstyr vert gjort kjent ved semesterstart.
Som del av studiet vil ein måtte jobbe med mikrokontrollerar, som for eksempel Micro:bit. Eit sett med Micro:bit og enkelt tillegsutstyr må studenten ha tilgjengeleg. Aller best er det om arbeidsplassen stiller med utstyr av denne typen, som kan takast i bruk i undervisning. Kontakt studieprogramansvarleg ved spørsmål.
