Fordjupingsstudium
Religion, livssyn og etikk
Studiet gir kompetanse i religion, livssyn og etikk som først og fremst er etterspurd i skulen, kyrkja og livssynsorganisasjonar, men også innanfor helsesektoren, i media og andre offentlege og private samanhengar.
- Start:
- Haust Vår
- Omfang:
- Deltid Heiltid Nettstudium
- Studiepoeng:
- 30,0
- Varigheit:
- 2 semester (1 år)
- Studietype:
- Fordjupingsstudium
- Søk frå:
- 01.02.2025
Studiet har løpande opptak.
Kunnskap om mangfaldet innanfor religion, kultur og livssyn er viktig og aktuelt i vår tid.
Kompetanse på dette fagfeltet er først og fremst etterspurd i skulen, kyrkja og livssynsorganisasjonar. Men også innanfor helsesektoren, i media og andre offentlege og private samanhengar trengst menneske som har kunnskapar om og innsikt i religions- og livssynsspørsmål, og som har dugleik i å formidle dette.
Fordjupning i religion og livssyn tar føre seg dagsaktuelle og historiske emne, t.d. spiritualitet, nyreligiøsitet, livssynsdebatt og livssynmangfald. Studiet omfattar også ei større oppgåve som du skriv innanfor eit sjølvvald emne i religion og livssyn.
Studieinnhald
Studiet har eitt obligatorisk og eitt valfritt emne, kvart på 15 studiepoeng:
- Obligatorisk emne: Fordjupningsoppgåve i religion og livssyn (REL212N, anten haust eller vår)
- Valfritt emne: Livssynsmarknad og livssynsdebatt (REL207N, haust) eller Spiritualitet før og no (REL206N, vår)
Opptakskrav
Grunnivå (minimum 60 stp.) i religion og livssyn eller tilsvarande.
Undervisningsmåtar og vurderingsordningar
Undervisninga er nettbasert og organisert etter ein fastlagt kalender for leksjonar og innleveringar. Plan for utlegging av leksjonar og fristar for innlevering av oppgåver vert kunngjort ved semesterstart. Les meir om arbeidskrav, vurderingsordningar og eksamen i studie- og emneplanane.
Aktuelle yrke og vidare studium
Fordjupningsstudiet er aktuelt for fleire yrkesgrupper som møter religion - og livssynsmangfold både i privat og offentleg sektor. I kombinasjon med ei lærarutdanning kan studiet kvalifisere for undervisning i KRLE-faget i grunnskulen og RE-faget i den vidaregåande skulen.
Studiet kan godskrivast i Bachelor i religion og kultur ved Høgskulen i Volda.
Studieplan
Religion, livssyn og etikk - fordjupingsstudium (nettstudium)
I fordjupingsstudiet kan studenten utdjupe sine kunnskapar innan fagområdet religion, livssyn og etikk. Kompetanse om det religiøse og livssynsmessige mangfaldet i samfunnet er etterspurt og viktig i fleire yrkessamanhengar, i t.d. helsesektoren, media organisasjonar og kyrkjeliv. Studiet består av eit valfritt emne (REL206N, REL207N eller REL210N) og eit obligatorisk emne (REL212N) der studenten skriv ei fordjupingsoppgåve.
Læringsutbyttet må sjåast i samanheng med innhald og arbeidsmåtar i emna der kunnskapar, ferdigheiter og generell kompetanse er spesifisert. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram:
- har utdjupande kunnskapar innan fagområdet religion og livssyn
- har evne til å tileigne seg ny kunnskap innan fagområdet
- kan formidle kunnskapane på ein god måte skriftleg
- kan formidle sentralt fagstoff som teoriar, problemstillingar og løysingar skriftleg
- kan utveksle oppfatningar og erfaringar med andre med bakgrunn innan fagområdet
REL212N kan takast både i haust- og vårsemesteret.
| Emne | 2025 Haust | 2026 Vår |
|---|---|---|
| 15 | 15 | |
NB! REL212N kan takast både i haust- og vårsemester | ||
Valemne | ||
| 15 | ||
| 15 | ||
| Sum (30 total) | 15 | 15 |