Kompetanse for framtidas barnehage Vidareutdanning (masternivå)
Spesialpedagogikk i barnehagen
Studiet gir deg innsikt i barnehagefaglege, institusjonelle, relasjonelle og individuelle utfordringar, og det å kunne skape inkluderande leike- og læringsmiljø står sentralt.
- Start:
- Haust
- Omfang:
- Deltid Nettstudium Samlingar
- Studiepoeng:
- 30,0
- Varigheit:
- 2 semester (1 år)
- Studietype:
- Kompetanse for framtidas barnehage Vidareutdanning (masternivå)
- Søk frå:
- 01.02.2025 - 15.04.2025
Målgruppa for studiet er barnehagelærarar utan spesialpedagogisk utdanning som arbeider i barnehagen. Vidareutdanninga tek for seg dei mest frekvente vanskane i barnehagealder. Desse er knytt mellom anna til samspel og åtferd. Tidleg innsats og inkludering er sentrale perspektiv i studiet.
Korleis søkje støtte til vidareutdanning for lærarar:
Gjennom UDIR si ordning Kompetanse for kvalitet (KFK) og Kompetanse for fremtidens barnehage (KFB) kan du som jobbar i skulen og tar vidareutdanning også søkje økonomisk støtte.
Nytt for studieåret 2025/2026 er at du må sende to søknadar:
Èin søknad til Høgskulen i Volda på emnet du ynskje å studere – søkjeperiode 1. februar til 15. april.
Èin søknad til Utdanningsdirektoratet om vikar- og stipendordning – søkjeperiode 1. februar til 1. mars. (NB. Lenkje til søkjeportalane vert opna 1. februar)
Det er også mogleg å søkje vidareutdanningar ved Høgskulen i Volda utan vikar og stipendstøtte frå UDIR.
Opptakskrav
Fullført lærarutdanning (barnehagelærar eller liknande) og vere i arbeid i barnehage.
Undervisningsmåtar og vurderingsordningar
Studiet er samlingsbasert og elles organisert gjennom læringsportalen Canvas. Det er tre samlingar (kvar over to dagar) i Volda pr. semester. Det er obligatorisk frammøte til samlingane. Det er i tillegg lagt opp til skriftlege og/eller munnlege mellomarbeid mellom samlingane. Desse kjem i tillegg til arbeidskrava på emnet. For å gå opp til eksamen må alle arbeidskrav og frammøte knytt til emnet vere oppfylt.
Du kan lese meir om vurderingsordningar og eksamen i studie- og emneplanen.
Aktuelle yrke og vidare studium
Studiet gir etterspurd kompetanse for å kunne planlegge og gjennomføre spesialpedagogiske arbeidsoppgåver i skule- og barnehage.
Utdanninga kan etter søknad godskrivast som del av Master i spesialpedagogikk (120 stp) ved Høgskulen i Volda. Ein eventuell søknad om godskriving skjer i etterkant av opptak på masterprogrammet.
Tidspunkt for oppmøte og samlingar
Samlingstidspunkta for studieåret 2025/2026 er:
Haust 2025
- Veke 36, 43 og 48
Vår 2026
- Veke 4, 10 og 17
Undervisninga er på onsdagar og torsdagar kl. 09.15 - 15.30 i dei oppsette vekene.
Pensum
Du får informasjon om pensum ved studiestart.
Studieplan
Spesialpedagogikk i barnehagen - Kompetanse for fremtidens barnehage
Dette studiet ved Høgskulen i Volda vil gje ei brei innføring i dei mest vanlege utfordringane som er knytt til behovet for spesialpedagogisk hjelp i barnehagen.
Studiet set søkelys på eit inkluderande læringsmiljø i barnehagen gjennom tilpassing og meistring for barn med ulike føresetnadar. Studiet omhandlar kunnskap om å legge til rette for eit allmennpedagogisk tilbod av god kvalitet for barn som treng spesialpedagogisk hjelp. Tematikken blir sett på ut frå både eit individ- og systemperspektiv. Kunnskap om foreldresamarbeid og tverrprofesjonelt arbeid inngår også. Samanhengar mellom åtferd og læringsmiljø er sentrale tema, samt kunnskap om implementering for å legge til rette for og gjennomføre relevante endringsprosessar.
Det er mogleg å søke innpass for studiet Spesialpedagogikk i barnehagen, som ein del av Master i spesialpedagogikk ved Høgskulen i Volda.
Strategien "Kompetanse for framtidas barnehage"
Vidareutdanninga inngår som eit av kompetanseutviklingstiltaka i regjeringas Kompetanse for fremtidens barnehage - Revidert kompetansestrategi for perioden 2023 - 2025 (regjeringen.no).
Strategien har tiltak retta mot alle grupper av tilsette i barnehagen og har som mål å bidra til at det blir fleire barnehagelærarar og barne- og ungdomsarbeidarar i barnehagen, og at det blir fleire barnehagelærarar med utdanning på masternivå. Den har også som mål å sikre at alle barn får eit barnehagetilbod av høg kvalitet.
Vidareutdanningstilboda for barnehagelærarar skal bidra til at ein aukande del barnehagelærarar
utviklar kompetanse på mastergradsnivå, i tråd med prioriterte områder i rammeplan for barnehagens innhald og oppgåver. Studiet skal styrke barnehagelærarens kompetanse i planlegging og gjennomføring av utviklingsarbeid.
Barnehageeigar kan mota midlar for tilsette som deltar på vidareutdanningstilbod igangsett av Utdanningsdirektoratet. Les meir om tilretteleggingsmidlar og korleis desse kan nyttast på Utdanningsdirektoratet sine nettsider (Udir.no)
Læringsutbyttet må sjåast i samanheng med innhald og arbeidsmåtar i emna. I tråd med det nasjonale kvalifikasjonsrammeverket har studenten følgjande læringsutbytte etter fullført studieprogram
Kandidaten skal ha:
- inngåande kunnskapar om sentrale overordna spørsmål som gjeld inkludering og tidleg innsats.
- omfattande kunnskap om spesialpedagogiske problemstillingar og endringsarbeid
- grundig kunnskap om tverretatleg og tverrprofesjonelt samarbeid, i tillegg til samarbeid med heimen
Kandidaten kan:
- analysere og vurdere perspektiv på læringsmiljø i eit inkluderande fellesskap
- identifisere, analysere og legge til rette tiltak ut frå enkeltbarn og gruppa sine behov og føresetnadar
- skape vilkår for førebygging av vanskar knytt til åtferd
Kandidaten kan:
- vurdere betydninga av inkluderande og likeverdige vilkår for utvikling og læring
- vurdere eigen yrkespraksis og kunne gjennomføre endringsprosessar med utgangspunkt i det spesialpedagogiske forskingsfeltet
Studiet er samlingsbasert med inntil tre fysiske samlingar à to dagar per semester. Arbeidsmåtane vil variere mellom forelesning og anna undervisning på campus og nett, seminar og workshops, gruppeoppgåver og individuelle oppgåver.
| Emne | 2025 Haust | 2026 Vår |
|---|---|---|
| 15 | 15 | |
| Sum (30 total) | 15 | 15 |
Studenten må ha tilgang til datamaskin med internett, nødvendig programvare og utstyr som webkamera, headset og mikrofon