Inn i teaterhistoria har fokus på å gje ei grunnleggjande forståing av teaterfaget si historie, med vekt på det europeiske teatret frå antikken og opp til vår eiga tid. Emnet skal også gje ei innføring i analyse av dramatekster knytt til ulike teaterhistoriske periodar, samt kunnskap om dei grunnleggjande fagdidaktiske problemstillingane i teatervitskapen. Emnet har ei praktisk-teoretisk tilnærming til faget og vil vere med å kvalifisere deg vidare for arbeid som drama- og teaterpedagog i skule og kulturskule og som utøvar i det frie kulturlivet. Emnet kan takast som ein del av eit bachelorstudium, års- eller halvårsstudium eller som eit sjølvstendig emne.