Semestre

ENG2A-510KFK Engelsk 2A for 5-10 årssteg, Kompetanse for kvalitet

Emnekode: 
ENG2A-510KFK
Varighet: 
1 semester
Studiepoeng: 
15
Studienivå: 
Bachelor (grunnivå)
Undervisningssemester: 
2022 Haust
Eksamenssemester: 
2022 Haust
Undervisningsspråk: 
Engelsk
Krav til forkunnskapar

Ingen. 

Om emnet

Emnet er fyrste del av studiet Engelsk 2, 5-10 Kompetanse for kvalitet: vidareutdanning for lærarar. Emnet gjev større grad av fagleg fordjuping i språkopplæring og fagdidaktikk og i eit rikt og variert utval av tekstar til personleg og fagleg vekst, og til bruk i undervisning på mellom- og ungdomssteget. Emnet gir meir kunnskap om grammatiske strukturar i det engelske språket og vidare utvikling av eiga språkferdigheit, tekstkompetanse og produktivt ordforråd. Språket si kulturelle forankring er sentralt i emnet. 
 
Kritisk vurdering av ulike sider ved engelskopplæring for 5.-10. trinn står likeeins sentralt. I tillegg gir emnet meir innsikt i varierte, inspirerande og læringsfremjande aktivitetar og arbeidsmåtar. Engelsk blir sett i eit historisk og kulturelt perspektiv, med tekstar i ulike genrar med hovudvekta på tida før 1820.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten

  • har kjennskap til oppbygging og variasjonar i setningsstruktur, og korleis slike strukturar blir brukt til å uttrykkje meiningsnyansar

  • har kunnskap om historisk utvikling av metodar og tilnærmingar til opplæring i engelsk

  • har noko kunnskap om variantar av engelsk

  • har kunnskap om ulike måtar å organisere opplæringa på

  • har kunnskap om korleis ulike faktorar kan påverke læring av engelsk

  • har innsikt i ulike læringsstrategiar som kan gjere elevane medvitne om eiga læring og språkutvikling i eit langsiktig perspektiv

  • har kjennskap til gjeldande læreplan for skulen som ramme for fagleg utviklingsarbeid

  • kjenner trekk ved samfunnsutviklinga frå den engelskspråklege verda i eit historisk perspektiv

  • kjenner eit utval litterære tekstar og andre kunstformer, samt sakprosatekstar, hovudsakleg frå tida før 1820, både til personleg vekst og undervisningsbruk

Ferdigheiter

Studenten kan

  • bruke engelsk sikkert og funksjonelt skriftleg og munnleg tilpassa målgruppa i ulike situasjonar

  • bruke kunnskap om det engelske grammatiske systemet til å justere eigen språkbruk, til å leggje til rette for elevane si språklæring og til å rettleie språkbruken til elevane

  • planlegge, gjennomføre og vurdere undervisning slik at det vert tatt omsyn til mangfaldet i elevgruppa, samt kulturell og språkleg bakgrunn

  • legge til rette for varierte og differensierte læringsaktivitetar som fremmer utviklinga av elevane sine reseptive og produktive språkferdigheiter, blant anna ved bruk av digitale læringsverktøy

  • gjere elevane medvitne om val av læringsstrategiar og bruk av eigenvurdering

  • kombinere og samanfatte kunnskap om engelskspråklege samfunn, kunst, kultur og litteratur, hovudsakleg frå tida før 1820

  • kan nytte sin profesjonsfaglege digitale kompetanse i eiga engelskundervisning

Generell kompetanse

Studenten kan

  • formidle relevant fagstoff og kommunisere på engelsk på ein måte som er tilpassa målgruppa

  • reflektere over eiga læring og praksis i forhold til etiske grunnverdiar og skulens ansvar for den personlege veksten hjå barn og unge

  • arbeide sjølvstendig og saman med andre for å løyse identifiserte problem knytte til elevar si læring og utvikling i engelskfaget

  • nytte kjelder etisk og kritisk

Praktisk organisering og arbeidsmåtar

Undervisninga blir gitt i form av nettforelesingar, innlevering av arbeidskrav, seminardiskusjonar på nett og to samlingar i Volda (den fyrste på tre dagar og den andre på to dagar). Samlingane er obligatoriske. Studentar som ikkje er praktiserande lærarar med engelsk på timeplanen må ha/skaffe seg tilgang til ei elevgruppe på høveleg aldersnivå for å prøve ut undervisningsopplegg.

Vilkår for å framstille seg til eksamen

Frammøtekrav:

Det er obligatorisk oppmøte til samlingane.

Arbeidskrav:

  • Eit arbeidskrav i profesjonsfagleg digital kompetanse (ordtal ikkje relevant)

  • Eitt skriftleg arbeidskrav i språk (ordtal ikkje relevant)

  • Eitt skriftleg arbeidskrav i didaktikk (1500 ord)

  • Eitt skriftleg arbeidskrav i kultur (1500 ord)
  • Studenten skal gjennom semesteret føre ein logg der ho/han reflekterer over sin praksis i klasserommet med fokus på eiga didaktisk utvikling som lærar. Loggen bør førast minst ein gong i veka, ikkje mindre enn 50 ord per veke

Oppgåvene er obligatoriske og skal leverast til fastsett frist. Studenten får tilbakemelding på arbeida sine. Alle arbeidskrav må vere godkjende for at studenten skal kunne gå opp til eksamen.

Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11

Evaluering og kvalitetssikring

Emnet vert evaluert i samsvar med HVO sitt kvalitetssystem.

Minimumstal: 
5
Maksimumstal: 
30
Emneansvarleg: 
Kim-Daniel Vattøy
Emnet inngår i følgande studieprogram
  • Engelsk 2 for 5-10 årssteg - Kompetanse for kvalitet
VurderingsformGrupperingVarighetKarakterskalaAndelKommentarHjelpemidlerOmfang
Heimeeksamen
Individuell
2 Dagar
A-F, der A er best og E er siste ståkarakter
Digital eksamen. Endeleg vurdering i emnet skjer på grunnlag av ein individuell 2 dagars skriftleg heimeeksamen/netteksamen. Eksamen vil vere ei prøve av både pensumkunnskap og språkbruk. Pensumkunnskap tel noko meir.
Alle
Godkjent av: 
Arne Myklebust