Semestre
GL1-7NOR2B Norsk 2B
Norsk 1A (GL1-7NOR1A) og Norsk 1B (GL1-7NOR1B), eller tilsvarande.
I Norsk 2 skal studentane få ei utvida, forskingsbasert innsikt i norsk språk- og tekstkunnskap og fagdidaktikk. Studentane skal arbeide med dei grunnleggjande ferdigheitene og med eit breitt spekter av arbeidsmåtar, slik at dei skal få ei djupare forståing av samanhengen mellom fag, fagdidaktikk og praksis.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskap om kva som skjer når ein tekst vert overført frå eit medium til eit anna
- har inngåande kjennskap til teoriar om lesing og skriving, særleg knytt til den andre lese- og skriveopplæringa
- har utvida kunnskapar om munnlege og skriftlege sjangrar og innsikt i korleis elevar frå 1. til 7. trinn utviklar kunnskapar om desse og kan nytte slike i eige tekstarbeid
- har kunnskap om skrivedidaktikk, og korleis dei best kan motivere og rettleie elevar i skriveprosessen
Studenten skal kunne
- organisere og drive tilpassa lese- og skriveopplæring for 1. til 7. trinn etter fagleg grunngitte prinsipp, også for elevar med norsk som andrespråk
- vurdere og reflektere omkring ulike slags prøver i lesing og skriving og nytte resultatet av dei til fagleg utvikling for elevane
- bruke språk- og tekstkunnskap aktivt i rettleiing av elevar i lese- og skriveprosessen
- rettleie i arbeidet med tekstar slik at elevane kan utvikle seg sjølve, skaffe seg kunnskapar og førebu seg for aktiv deltaking i offentlege rom og samfunnet som eit heile
- lese, analysere, tolke og vurdere samansette tekstar og setje dei inn i ein større kulturell og offentleg samanheng
Studenten skal
- kunne vurdere eigen praksis som norsklærar og grunngi vurderingane
- ha eit medvite forhold til korleis samtalen mellom lærar og elevar, og samtalen elevane imellom, kan fungere som reiskap for læring
- vere ein god lese- og skrivelærar
Undervisning, arbeid i grupper og individuelt.
I løpet av studiet skal studentane gjennomføre følgjande arbeidskrav:
- Gjennomføring av eit didaktisk opplegg med bruk av digitale forteljingar
- Kunnskapsdeling i eige kollegium med utgangspunkt i det didaktiske opplegget
- To skriftlege tekstar (om lag 1500 ord)
Emnet vert sensurert i tråd med Forskrift om opptak, studium og eksamen ved Høgskulen i Volda, kapittel 5
Emnet vert evaluert i samsvar med HVO sitt kvalitetssikringssystem
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Munnleg eksamen | Individuell | 35 minutt | A-F, der A er best og E er siste ståkarakter | Munnleg eksamen består av ein førebudd presentasjon, og deretter ei fagleg samtale. |