Semestre
IPA308 Masteroppgåve i samfunnsplanlegging og leiing (30 stp)
60 studiepoeng av masterprogrammet må vere fullført for å få opptak til emnet. Dette inkluderer dei obligatoriske emna IPA301 Regional planlegging og utvikling og IPA303 Offentleg organisering og leiing, som må vere fullført med karakteren C eller betre som resultat. Talet på studieplassar er avgrensa til 20. Søkjarane blir rangerte på grunnlag av oppnådde karakterar på dei obligatoriske emna, deretter på grunnlag av karakterar på dei valfrie emna. Studentar med karakterar A eller B får først tilbod (gruppe 1). Deretter får studentar med C’ar tilbod inntil studieplassane er fylt opp (gruppe 2).
Eit samfunn i kontinuerleg omstilling stiller store krav til leiarar, både i offentleg og privat sektor. Det er viktig å kunne etablere gode strategiar til fordel for eigen organisasjon. Med ein mastergrad i Samfunnsplanlegging og leiing får du ei solid og spesialisert utdanning som gjer deg til ein ettertrakta leiar. Masterstudiet gir deg viktig yrkesretta kompetanse i planlegging, utviklingsarbeid og leiing i samfunn og organisasjonar. Det inneber kompetanse til å utvikle og å leie plan- og utviklingsarbeid. Det vert lagt vekt på at plan- og utviklingsarbeid skjer i samhandling (partnarskap) mellom offentleg, privat og frivillig sektor i kommunikative og opne prosessar.
I samsvar med det nasjonale kvalifikasjonsrammeverket skal studenten ha følgjande læringsutbytte etter fullført emne:
Målet er at undervisninga og rettleiinga skal hjelpe studentane til å skrive ei individuell masteroppgåve som fyller krava til vitskapleg arbeid. Då må studentane på ein grunngitt måte velje eit forskingstema og presisere dette temaet til ei forskbar problemstilling. Denne problemstillinga må drøftast med utgangspunkt i relevant litteratur og setjast inn i ei teoretisk fruktbar ramme. Studentane skal velje eit forskingsopplegg som gir relevante data, innsamla og analysert med vitskaplege metodar. Forskingsetiske omsyn skal også tilleggjast vekt. Masteroppgåva skal vere språkleg ryddig og formelt korrekt når det gjeld referansar og kjeldebruk.
Målet er at studenten skal oppnå ferdigheiter til sjølvstendige val av ei forskbar problemstilling, drøfting av problemstillinga i forhold til relevant litteratur, val av teoretisk ramme, datainnsamling og -analyse, og korrekt kildebruk.
Målet er at studenten skal få kompentanse til å gjennomføre utviklings- og utgreiingsarbeid på eigen hand.
Arbeidet med Masteroppgåva går parallelt med emnet IPA307 Forskingsmetode og vitskapsteori, og begge emna strekkjer seg over to semester. Studentane får kvar tildelt ein rettleiar som kan bruke inntil 30 timar på oppgåvelesing og individuell rettleiing. Oppgåveseminar i samband med masteroppgåva og undervisninga i Forskingsmetode og vitskapsteori er lagt til dei same undervisningssamlingane:
- Samling 1: veke 36
- Samling 2: veke 43
- Samling 3: veke 49
- Samling 4: veke 4 (2019)
- Samling 5: veke 8 (2019)
Til den tredje samlinga skal det leverast ein prosjektplan for masteroppgåva. Vidare rettleiing etter tredje samling føreset at prosjektplanen er levert.
For å levere masteroppgåva til vurdering må studenten ha stått til eksamen i emnet IPA 307 Forskingsmetode og vitskapsteori. Vidare må masteroppgåva vere stått for å få gå opp til munnleg justerande eksamen.
Elles gjeld to arbeidskrav:
Arbeidskrav 1. Notat – tildeling av rettleiar. Problemstillinga m.m. for masteroppgåva skal presenterast i eit notat (jf. tilgjengeleg skjema). Godkjent notat gir tildeling av rettleiar seinast ti dagar seinare. Det gjeld både for heiltids- og deltidsstudentar. Notatet skal leverast i Canvas med frist 17. september.
Arbeidskrav 2. Prosjektplan for masteroppgåva. Prosjektplanen er meint å vere ei hjelp til å gjere opp status for eige masterarbeid så langt i studiet og vere ein plan for fullføringa. Krav til prosjektplanen er omtalt i eit eige skriv. Godkjent prosjektplan fungerer som avtale mellom studenten og rettleiaren og som grunnlag for vidare rettleiing. Det gjeld både for heiltids- og deltidsstudentar. Prosjektplanen skal leverast i Canvas med frist 30. november.
Sjå dette punktet under emneplanen for IPA307. Emnet vert elles evaluert i samsvar med HVO sitt kvalitetssikringssystem.
- Samfunnsplanlegging og leiing - master
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Masteroppgåve | Individuell | 2 semester | A-F, der A er best og E er siste ståkarakter | Masteroppgåva blir evaluert av ein kommisjon med to medlemmar og får ein førebels bokstavkarakter. | Masteroppgåva skal vere på 75 sider (+/- 10%), skrifttype Times New Roman, linjeavstand 1,5 og bokstavstorleik 12-punkt. Standard framside, obligatorisk samandrag og eventuelle vedlegg tel ikkje med i talet på sider. | ||
Munnleg justerande eksamen | Individuell | 1 timar | A-F, der A er best og E er siste ståkarakter | 100 | Munnleg justerande eksamen der masteroppgåva skal forsvarast. Munnleg justerande eksamen fastset den endelege karakteren i emnet. |