Digitaliseringa har gitt nye medievanar, ny teknologi og nye distiribusjonsplattformer for journalistikk. Dette gir nye muligheiter innan journalistikken og bidreg til å endre journalistisk yrkesutøving. Hensikta med emnet er å gjere seg kjent med profesjonsendringar, innovasjon og utvikling innan journalistikken. Dette gjer studentane i stand til å identifisere sentrale problemstillingar knyta til utviklinga innan journalistikk og førebur studentane på det medielandskapet dei møter etter endt utdanning. Sentrale delar av emnet fokuserer på:

1. Nye digitale sjangrar, distribusjonsformar og plattformar 
2. Forsking, innovasjon og utvikling relatert til journalistisk yrkesutvikling

Emnet er forankra i aktuelle og samtidige journalistiske tematikkar, utviklingstrendar og potensialar innan digital journalistikk. Eksempel på dette kan vere kva som skjer med journalistikken når den blir formidla gjennom ulike sosiale media, endringar i relasjonen mellom journalisten og publikum (brukarar) eller problemstillingar og muligheiter knyta til ny teknologi. Dette er pågåande prosessar som påverkar den journalistiske yrkesutøvinga. Studentane vil dermed arbeide med utfordringar knyta til nyare former for journalistiske arbeidsmetodar, distribusjon og brukermønster. 

Dette utgjer nødvendig kompetanse innan journalistikkfaget som er sentralt for å kunne forstå, nå, utfordre og engasjere mediebrukarar i eit medielandskap i kontinuerleg endring.