Semestre

KUM306 Masteroppgåve i Kulturmøte

Emnekode: 
KUM306
Varighet: 
2 semester
Studiepoeng: 
60
Studienivå: 
Master
Undervisningssemester: 
2019 Haust
2020 Vår
Eksamenssemester: 
2020 Vår
Undervisningsspråk: 
Norsk
Krav til forkunnskapar

KUM301, KUM302 og eitt av dei valfrie emna

Om emnet

Gjennom eiga forsking skal arbeidet med masteroppgåva gje studentane djupare innsikt i teori og metode innanfor kulturhistorieforskinga. Det skal òg gje studentane ei meir sjølvstendig haldning til historiske og andre vitskaplege framstillingar, historisk kjeldemateriale og anna kjelde i tillegg til innføring i sjølvstendig vitskapleg arbeid. Studentane skal sjølve bruka fagleg teori, metodar og teknikkar i forskningsarbeid.

Masteroppgåva i kulturmøte skal vera ei vitskapleg avhandling som byggjer på eit sjølvstendig studium av kjelder og relevant litteratur.

Masteroppgåva er obligatorisk for mastergradsstudentar, tilsvarar halvparten av mastergradsstudiet og utgjer 60 studiepoeng.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten skal ha

  • kunnskap om relevant teoretisk og metodisk basis for vitskapleg arbeid
  • dokumentert evne til å nytte kjeldestudium og relevant litteratur til løysing av ei vitskapleg problemstilling
  • kompetanse til utvikling av og gjennomføring av forskingsprosjekt av større omfang.
Ferdigheiter

Studenten skal ha

  • føresetnader for å skriva ei sjølvstendig, kjeldekritisk oppgåve basert på ei gitt problemstilling.
  • evne til å vurdera og forstå kulturell sameksistens og konflikt realhistorisk og interdisiplinært innafor gitte regionar.
Generell kompetanse

Studenten skal kunne

  • vurdera og forstå kulturell sameksistens og konflikt realhistorisk og interdisiplinært
  • nytta kunnskapane sine på nye område for å gjennomføra avanserte arbeidsoppgåver og prosjekt innan forsking, utgreiing, undervisning og formidling om feltet
  • ha faglege føresetnader for å leia arbeid med kulturell integrering
  • planleggja og gjennomføra nye FOU-prosjekt – åleine og i samarbeid med andre
Praktisk organisering og arbeidsmåtar

Studentar på Mastergrad i kulturmøte har krav på rettleiing i arbeidet med oppgåva. Studentane er òg pliktige til å leggja oppgåva fram for rettleiing under arbeidet med henne. Rettleiinga vil bli regulert gjennom ein individuell rettleiingsavtale. Kandidaten skal i startfasen av arbeidet med masteroppgåva, i samråd med rettleiar, levera ein synopsis/ei prosjektskisse på maksimalt 4000 ord med 1,5 i lineavstand og 12 pkt. skrift. For arbeidet med og innhaldet i prosjektskissa, sjå emneplan for KUM302. Skissa skal vera godkjend av rettleiar før kandidaten går vidare med masterppgåvearbeidet.

Vi vil tilby skriveseminar for masteroppgåveskriving og det vert forventa at kandidaten tek del på desse seminara, og legg fram delar av oppgåva si til diskusjon her.

Vilkår for å framstille seg til eksamen

For å levere masteroppgåva til vurdering må studenten ha stått til eksamen på båe dei to valfrie emna.

Sensorordning

Sensur blir gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluering og kvalitetssikring

Emnet vert evaluert i samsvar med HVO sitt kvalitetssikringssystem.

Minimumstal: 
1
Maksimumstal: 
15
Emneansvarleg: 
Inger Marie Okkenhaug
Emnet inngår i følgande studieprogram
  • Kulturmøte - master
VurderingsformGrupperingVarighetKarakterskalaAndelKommentarHjelpemidlerOmfang
Masteroppgåve
Individuell
2 semester
A-F, der A er best og E er siste ståkarakter
100
Oppgåva skal vere på mellom 70 og 120 sider i ei 12 pkt. skrift med 1,5 i lineavstand. Framside, obligatoriske samandrag, notar, tabellar, bibliografi og vedlegg kjem i tillegg.
Godkjent av: 
Odd Ragnar Hunnes 27.02.19