Semestre
MAT150 Utforsking i matematikkundervisning
Ingen
Tema for dette emnet er utforsking i matematikkundervisning i grunnskulen, og det vert lagt vekt på kjerneelementet utforsking og problemløysing. I emnet får studentane vidareutvikle det didaktiske og faglege grunnlaget for å kunne planlegge, organisere, tilpasse, gjennomføre og evaluere ulike læreprosessar. Fokuset er på utforsking i matematikk for elevar i grunnskulen.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha
- kunnskap om å arbeide med og undervise utforskande, i ulike typar tema som talteori, algebra, geometri og funksjonar
- inngåande teoretisk og praktisk kunnskap om matematisk utforsking som del av læringsprosessar.
Studenten skal kunne
- analysere elevar sine munnlege ytringar og matematiske tekstar
- planlegge, gjennomføre og evaluere utforskande undervisning i matematikk.
Studenten skal kunne
- dokumentere og evaluere arbeid med utforsking i skulen
- ta aktiv del i faglege og utdanningspolitiske diskusjonar knytt til utforsking.
Emnet har ei obligatorisk samling der arbeidsmåtane varierer mellom førelesingar, dialogbasert undervisning, gruppearbeid og seminar. Det vil bli gitt før- og etterarbeid til samlinga. I tillegg vil det vere nettundervisning og lagt til rette for at studentane kan samarbeide på nett. Kommunikasjonen mellom studentar og høgskulen utanom samlingane vil for det meste skje gjennom e-læringsverktøy.
Frammøtekrav:
Det er krav om 80 % frammøte til undervisninga; jf. § 6-6 i Forskrift om opptak, studium og eksamen ved Høgskulen i Volda.
Arbeidskrav:
For å kunne gå opp til eksamen i emnet må studenten ha levert og fått godkjent alle arbeidskrav innan fastsette fristar. Arbeidskrava blir spesifisert i semesterplanen.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Matematikk for lærarar - vidareutdanning (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | Stått eller ikkje stått | 100 |