Semestre
MAT157 Digitale verktøy i matematikkundervisning
Ingen
Gjennom emnet får studentane vidareutvikle sitt matematikkdidaktiske og faglege grunnlag for å bruke digitale hjelpemiddel i matematikkundervisinga. Emnet gir studentane kompetanse i kritisk refleksjon over korleis, kvifor og når bruke digitale hjelpemiddel i undervisninga. I emnet vil studentane også utvikle kompetanse i å reflektere rundt endringar i matematikkfaget som konsekvens av digital utvikling, og kva kompetanse ein matematikklærar treng i dag og i framtida. Emnet vil innehalde innføring i GeoGebra og rekneark, og korleis ein kan bruke desse i skulen.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har
- kunnskap om pedagogisk bruk av digitale verktøy i matematikkundervisninga som fremmar læring
- undervisningskunnskap om bruk av GeoGebra og rekneark i matematikkopplæringa i grunnskulen i for eksempel geometri, statistikk og funksjonar
- kjennskap til digitale ressursar som kan fremme læring i matematikk.
Studenten kan
- anvende kunnskap i bruk av eit utval digitale verktøy i matematikkundervisninga
- bidra i lokalt læreplanarbeid med integrering av digitale verktøy og ressursar i undervisninga
- bruke digitale verktøy og ressursar i vurdering av elevane sitt læringsutbytte.
Studenten skal kunne
- delta og bidra i lokalt utviklingsarbeid knytt til digital matematikkundervisning og utvikle matematikklæraren sin praksis i bruk av digitale verktøy i undervisinga
- utvikle haldningar til, forståing for og refleksjon over bruken av digitale verktøy i matematikk.
Emnet er organisert som eit reint nettstudium med både synkron og asynkron nettundervisning. På den synkrone undervisninga er det obligatorisk frammøte. Kommunikasjonen mellom studentar og høgskulen vil for det meste skje gjennom e-læringsverktøy.
Frammøtekrav:
Det er krav om 80% frammøte til den synkrone undervisninga; jf. § 6-6 i Forskrift om opptak, studium og eksamen ved Høgskulen i Volda.
Arbeidskrav:
For å kunne gå opp til eksamen i emnet må studenten ha levert og fått godkjent alle arbeidskrav innan fastsette fristar. Arbeidskrava blir spesifisert i semesterplanen.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Matematikk for lærarar - vidareutdanning (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | Stått eller ikkje stått | 100 |