Semestre
MAT159 Modellering og anvendingar
Ingen
Matematisk modellering inneber å gå mellom den verkelege verda og matematikk, i begge retningar. Dette betyr å skildre fenomen frå den verkelege verda ved å velje eller passande matematiske modellar, men også å tolke og validere resultat av modellen. Matematisk modellering er ein viktig kompetanse for elevar i alle aldersgrupper å lære. Ein viktig grunn til dette er modellering si viktige rolle i å støtte forståing av matematisk innhald. Det kan også skape motivasjon hos elevar. Modellering er også viktig i eit læringsperspektiv; det ligg godt til rette for individuell elevtilpassing og inkludering i dette temaområdet. Temaet vert analysert teoretisk og gjennom praktisk øving.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha
- teoretisk og praktisk kunnskap om matematisk modellering brukt som verktøy for å løyse praktiske problemstillingar
- kunnskap om modellering som ein del av læringsprosessar i matematikk
- kunnskap om bruk av modellering i matematikkfaget
- kunnskap om ulike modelleringssyklusar.
Studenten skal kunne
- konstruere, tolke og vurdere enkle matematiske modellar i samband med praktiske problemstillingar
- bruke modelleringssyklusar til å evaluere eigen og elevar si modellering
- ta i bruk modellering i undervisning i grunnskulen på ein måte som er fagleg grunngitt.
Studenten skal kunne
- dokumentere og evaluere arbeid med modellering i skulen
- ta aktiv del i faglege og utdanningspolitiske diskusjonar knytt til modellering.
Emnet har ei obligatorisk samling der arbeidsmåtane varierer mellom førelesingar, dialogbasert undervisning, gruppearbeid og seminar. Det vil bli gitt før- og etterarbeid til samlinga. I tillegg vil det vere nettundervisning og lagt til rette for at studentane kan samarbeide på nett. Kommunikasjonen mellom studentar og høgskulen utanom samlingane vil for det meste skje gjennom e-læringsverktøy.
Frammøtekrav:
Det er krav om 80 % frammøte til undervisninga; jf. § 6-6 i Forskrift om opptak, studium og eksamen ved Høgskulen i Volda.
Arbeidskrav:
For å kunne gå opp til eksamen i emnet må studenten ha levert og fått godkjent alle arbeidskrav innan fastsette fristar. Arbeidskrava blir spesifisert i semesterplanen.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Matematikk for lærarar - vidareutdanning (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | Stått eller ikkje stått | 100 |