Semestre
MGL5-10PR2B Praksis 2B, 10 dagar
Hovudtema for dei tre første studieåra (syklus 1) er lærarrolla, lærararbeidet, elevmangfaldet, skulen som organisasjon og læraren si tilrettelegging for læring av fag for 5. til 10. trinn. Praksis i andre studieår er delt inn i to sjølvstendige emne med avsluttande vurdering i begge.
Praksis 2B har hovudfokus på læraren si tilrettelegging for læring av fag.
Praksis er knytt til valfaget studenten har i dette semesteret og praksisen kan difor ha annleis organisering og gjennomføring enn dei andre praksisperiodane. Dette vil gå fram av semesterplanen.
Praksistudiet har ein integrerande funksjon i grunnskulelærarutdanninga og førset samarbeid mellom studentar, faglærarar, praksislærarar og skuleleiing. Studentane skal ha praksis i dei undervisningsfaga som er valt i studieprogrammet. Faglærarar, praksislærarar og studentar samarbeider tett i planlegging, gjennomføring og etterarbeid i praksis.
I tillegg til læringsutbytte i praksis frå tidligare år og i samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har kunnskap om elevane sine føresetnader og utvikling som utgangspunkt for tilpassa opplæring
- har kunnskap om klasseleiing, kommunikasjon, samhandling og relasjonsarbeid
- har kunnskap om læreprosessar, tilrettelegging av undervisning, arbeidsmåtar og vurderingsformer som fremjar gode inkluderande klasse- og læringsmiljø
Studenten
- kan planlegge, gjennomføre og vurdere undervisning for elevar i 5.-10. klasse med utgangspunkt i nasjonale og lokale planar
- kan bruke relevante digitale verktøy i undervisninga
- kan leie gode læringsprosessar med utgangspunkt i ulike arbeidsmåtar og mål for undervisninga
- kan reflektere over og vurdere, velje og bruke ulike kartleggingsverktøy i faga
Studenten
- har innsikt i elevane si læring av grunnleggande ferdigheter og kompetansar
- kan nytte kunnskapane og ferdigheitene sine til å gjennomføre lærarfaglege oppgåver
- kan kommunisere munnleg og skriftleg, og kan nytte språket på ein kvalifisert måte i profesjonssamanheng
- kan gjere seg nytte av ulike typar tilbakemeldingar frå praksislærar, medstudentar og faglærarar til eiga læring og utvikling
Praksis i vårsemesteret i andre studieår er ein praksis med vekt på fag studenten tek dette semesteret.
Studentane vil normalt vere inndelt i praksisgrupper på 3-4 studentar og vere på ein praksisskule gjennom heile praksisperioden på 10 dagar.
Før og etter praksisperioden er det obligatorisk praksismøte mellom studentar, praksislærarar og faglærar.
Frammøtekrav: Det er obligatorisk frammøte til all førebuing, gjennomføring og etterarbeid til praksis. Manglande frammøte vil kunne føre til krav om eit individuelt kompensatorisk arbeid for å få godkjent praksis.
Arbeidskrav: Følgande arbeidskrav vere gjennomført og godkjent:
1. Arbeidskrav: Gruppevis munnleg og digital presentasjon med drøfting av sentrale erfaringar knytt til tilrettelegging for læring av fag i praksisperioden.
Sjå elles §4-7 i Forskrift om opptak, studium og eksamen ved Høgskulen i Volda
Vurdering: Stått eller Ikkje stått
Praksislærar skal gje munnleg, rettleiande vurdering av arbeidet frå dag til dag i praksisperioden.
Etter praksisperioden skal student ha sluttvurdering med karakteren Stått/Ikkje stått. Rettleiing og vurdering av studentar i praksisstudiet er eit felles ansvarsområde for praksislærar, rektor og faglærar i lærarutdanninga.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11
Emnet vert evaluert i samsvar med HVO sitt kvalitetssikringssystem. (http://www.hivolda.no/hivolda/om-hogskulen/kvalitetsarbeid)
- Grunnskulelærarutdanning, trinn 5-10 - master (5 år)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Praksis | Individuell | Semester | Stått eller ikkje stått | Praksislærar skal gje kvar student munnleg, rettleiande vurdering av arbeidet frå dag til dag i praksisbolken. Etter om lag 15 dagar i praksis, skal kvar student ha skriftleg midtvegsvurdering. Etter siste praksisperiode skal student ha sluttvurdering, med karakteren "Stått"/"Ikkje stått". Denne vurderinga skal leggjast fram for studenten og studenten skal saman med praksislærar signere for at informasjon om vurderinga er gitt. Begge desse vurderingane skal vere læringsfremjande, og skal vere studenten sitt grunnlag for vidare utvikling. Praksislærar har hovudansvar for å gje vurderinga. Basisgrupperettleiar til studenten skal trekkast inn i vurderinga. Arbeidskrava skal vere gjennomført og bestått. Følgjande retningsliner skal praktiserast i samband med karakteren «Ikkje stått» i rettleidd praksis: Dersom ein student får karakteren "Ikkje stått" i praksis eitt av studieåra, må studenten gjennomføre ein ny praksisperiode på 10 dagar i løpet av studieåret etter avtale med praksisansvarleg. I desse 10 dagane får studenten særskild rettleiing av ein annan praksislærar på det området/dei områda studenten har vist manglar. Får studenten "Ikkje stått" også i denne ekstra praksisperioden, må han/ho avbryte studiet. |