Semestre
NO114S Tekst og kultur
Ingen.
Tekstutvalet i Tekst og kultur (NO114S) gir eit bilete av den litterære produksjonen i tre ulike periodar. Det blir lagt vekt på å analysere tekstane i ein kulturell og historisk samanheng. Emnet er sett saman av tre tyngdepunkt:
TP1: Litteratur før 1800
TP2: 1800-talet
TP3: Litteratur etter 1990
Tekst og kultur er eit 15-studiepoengsemne som kan takast som del av årsstudiet i norsk, som del av studieprogrammet Bachelor i språk og litteratur, eller som fritt emne i andre bachelorløp. Det litterære basisemnet i årsstudiet er Tekst og struktur (NO113S). Ein rår studentane til å ta dette før Tekst og kultur (NO114S). Dersom ein startar litteraturstudiet med Tekst og kultur (NO114S), bør ein ha skaffa seg naudsynte basiskunnskapar i litteraturhistorie og sjangerlære på førehand (sjå pensum for Tekst og struktur - NO113S).
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har grunnleggande kunnskap om
- litteratur som kulturelt fenomen
- sentrale sider ved forholdet mellom litteratur, subjekt og samfunn i ulike periodar
Studenten
- kan analysere tekstar frå ulike periodar i eit kulturperspektiv
- kan formidle analysen i ein tekst med klart og argumenterande språk
- kan utforme teksten i samsvar med elementære krav til kjeldetilvising
Studenten kan bruke kunnskapar og ferdigheiter på ein sjølvstendig måte.
Undervisninga blir gitt i form av forelesingar og gruppearbeid på samlingar ved Høgskulen i Volda. Det blir tre samlingar i løpet av semesteret, kvar på to dagar, med seks timar undervisning kvar dag, i tillegg til ei oppsummeringssamling på éin dag.
Studenten skal levere eit individuelt arbeid (godkjenningsoppgåve) på om lag 2000 ord innan ein fastsett frist. Studenten får kommentarar frå faglærar, og skal levere ein ny versjon av oppgåva innan ein ny fastsett frist. I den andre versjonen skal studenten kommentere dei endringane som er gjort. Begge innleveringane er obligatoriske. Godkjenningsoppgåva skal skrivast på bokmål.
Sensur blir gjennomført i samsvar med Forskrift om opptak, studium og eksamen ved Høgskulen i Volda.
Emnet blir evaluert i samsvar med HVO sitt kvalitetssikringssystem.
- Bachelor i religion og livssyn
- Historie - bachelor
- Norsk (nordisk) - årsstudium
- Norsk (nordisk) - årsstudium (deltid)
- Språk og litteratur - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Digital eksamen | Individuell | 2 timar | A-F, der A er best og E er siste ståkarakter | 1/3 | Kortsvarsprøve. Nettbasert. Skal skrivast på bokmål. | ||
Heimeeksamen | Individuell | 7 Dagar | A-F, der A er best og E er siste ståkarakter | 2/3 | Heimeeksamen på éi (1) veke (medrekna helg). Nettbasert. Skal skrivast på bokmål. Begge deleksamenane må vere bestått (dvs. minst karakter E på kvar deleksamen) for at den samla eksamen skal vere bestått. | Svaret på heimeeksamen skal vere på om lag 4000 ord, og oppgåvene kan gå på tvers av tyngdepunkta. |