NO122 Nynorsk i opplæringa 2
Ingen
Nynorsk i opplæringa 2 er primært retta mot lærarar som underviser i norsk i grunnopplæringa, men er nyttig for alle som vil heve nynorskkompetansen sin. Emnet vil ha eit praktisk og undervisningsorientert perspektiv som vil gi auka kompetanse i nynorsk og i å undervise i norsk.Målet med dette studiet er at studentane skal kunne drive god opplæring i nynorsk på alle nivå i grunnopplæringa i tråd med intensjonane i Kunnskapsløftet. Studentane skal utvikle eigenkompetanse i nynorsk, kunne vurdere og vidareutvikle eigen undervisningspraksis i nynorsk i høve til LK06 og kjenne til og bruke relevant fagleg og fagdidaktisk teori. Nynorsk i opplæringa 2, NO122, har eit kultur- og danningsperspektiv.Det didaktiske perspektivet er gjennomgåande ved studiet.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Ved fullføring av dette emnet skal studenten ha kunnskap om:
- Den norske språksituasjonen generelt og nynorsk språk, litteratur og kultur. Spesielt historiske føresetnader for språksituasjonen i Noreg i norsk og internasjonalt perspektiv.
- Tekstproduksjon og rettings- og rettleiingsstrategiar i elevtekstar på nynorsk.
- Relevant didaktikk for god hovudmåls- og sidemålsundervisning
- Det allmenne og det særeigne ved den nynorske skriftkulturen språkbadsmetodikk
- Studenten skal kunne utvikle og leggje til rette for god nynorskundervisning, anten nynorsk er hovudmål eller sidemål
- leggje til rette for og stimulere til skrivelyst og skriveglede ved å bruke nynorsk i opplæringa
- leggje til rette for og stimulere til leselyst og leseglede gjennom aktiv bruk av nynorske tekstar i opplæringa
- Studenten skal analysere og reflektere over læraren si rolle som modell, som formidlar og rettleiar i ein språksituasjon med ulike språkformer og kulturelt mangfald
- Bruke ikt i undervisninga, både fagleg og didaktisk
- Utvikle sin eigen nynorske tekst- og språkkompetanse gjennom eiga skriving
Undervisninga blir organisert på læringsplattforma Fronter. Det er ein føresetnad at studenten disponerer datamaskin med nett-tilkopling og programvare for tekstbehandling. Emnet er delt i tre hovudområde som vil bli introduserte gjennom ti nettleksjonar fordelt over eitt semester. Kvart hovudområde vil ha ein eigen fagleg profil med tilhøyrande pensumlitteratur og arbeidskrav. Denne organiseringa sikrar òg koordinering av den faglege progresjonen i studiet.
Kvar student vurderer kva oppgåve han/ho vil arbeide vidare med/utvide for å levere i vurderingsmappa.Studiet er gjennomgåande didaktisk og det vil bli teke i bruk varierte læremiddel. Studentane skal tileigne seg emnet gjennom lesing av pensum, sjølvstudium og skriftleg refleksjon over dette. Studentane vil få rettleiing og vurdering, og produkta som vert lagt i mapper for endeleg vurdering skal vere resultat av ein prosess der også medstudentar har vore rettleiarar. Studentane skal utvikle eigen rettleiingskompetanse ved å rettleie kvarandre.Det blir lagt vekt på å skape eit læringsmiljø der studentane lærer gjennom aktiv deltaking og samhandling. Nettbaserte diskusjonsgrupper, e-post og vevtenester er viktige komponentar i studiet.Nettleksjonane, som er skriftlege utdjupingar og kommentarar, inngår i pensumlitteraturen. I tillegg til dette vil ein stor del av undervisningsressursen bli brukt til elektronisk rettleiing, individuelt og i grupper.
Til kvart hovudemne knyter det seg eigne arbeidskrav. Alle arbeidskrav skal skrivast på nynorsk.
Til kvart hovudemne må studenten:
- skrive to refleksjonstekster på 1-2 sider og gje respons til medstudentar, til saman 6 refleksjonstekster og 6 responstekster til medstudentar.
- skrive ei godkjenningstekst, på ca. 1600 ord, til kvart hovudemne, til saman 3 godkjenningstekster. Minst ei av fagtekstene skal ha eit didaktisk perspektiv. Alle tekstene inngår i ei arbeidsmappe som skal godkjennast av faglærar.
For å få gå opp til eksamen (15 studiepoeng) må alle arbeidskrav vere oppfylte.
Emnet vert evaluert i samsvar med HVO sitt kvalitetssikringssystem.
- Norsk 2, nynorsk i opplæringa, 1.-13. trinn (nettstudium)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | Semester | A-F, der A er best og E er siste ståkarakter | Eksamensoppgåve på ca. 4000 ord - ca. 8 sider |
Oppgåva skal leverast elektronisk innan ein fastsett frist. Eksamensvaret skal skrivast på nynorsk.