Semestre
PPUD130-30 PPU: Fagdidaktikk - Samfunnsfag, 30 stp
Ingen
Emnet skal gje studenten grunnleggande kunnskap og ferdigheit til å undervise i samfunnsfaga i norsk skule. Studiet skal også bidra til å auke studentane sin fagdidaktiske refleksjon rundt samfunnsfaga. Desse fagdidaktiske områda er felles for alle: fagplanhistorie, tilpassa opplæring, didaktiske utfordringar knytte til elevar som ikkje har norsk som morsmål, dei fem grunnleggande ferdigheitene (digitale, munnlege, lese, rekne, skrive) og nasjonale prøver.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten
- har inngåande kunnskap om samfunnsfaga sin eigenart, utvikling og legitimering
- har kunnskap om grunngjevingar for samfunnsfaga som skulefag
- har kunnskap om gjeldande læreplan og fagplanhistorie
- har kunnskap om analyse av læreplanar og læremiddelfagdidaktisk refleksjon i samband med planlegging av undervisning
- har forståing for samfunnsfaga si rolle som haldningsdannande fag i høve til menneskerettar, demokrati, likestilling, miljøspørsmål og det fleirkulturelle samfunnet
- har kunnskap om historieforståing og historiebruk mellom barn og unge
- har kjennskap til sentrale samfunnsfaglege kjelder i faget og kritisk vurdering av desse
- har evne til refleksjon om tverrfaglege utfordringar
- har kunnskap om vurdering av utviklingsarbeid retta mot samfunnsfaga i skulen
Studenten
- kan bruke og vurdere ulike arbeidsformer innafor samfunnsfaga
- kan planlegge undervisning og læring med utgangspunkt i fagtradisjon, læreplanverk og ulike typar av læremiddel
- kan legge til rette for bruk av problemorienterte arbeidsmåtar
- kan bruke og vurdere digitale verktøy og kjelder i opplæringa, og bidra til at elevane kan forholde seg aktivt og kritisk til digitale media
- kan bruke ulike typar kjelder og materiale i arbeidet med utvikling av elevars grunnleggande ferdigheiter
- kan utvikle og bruke ulike typar av forteljingar innanfor samfunnsfaga
- kan bruke lokalsamfunnet som læringskjelde
- kan reflektere over og bruke ulike former for vurdering i samfunnsfaga, og bidra til at elevane kan reflektere over eiga læring og faglege utvikling i faget
- kan vurdere samanhengen mellom mål, arbeidsformer, læremiddel og vurderingsformer
Studenten
- kan bruke fagdidaktiske kunnskapar til å tolke og bruke gjeldande læreplanverk
- ser dimensjonar ved samfunnsfaga som skulefag på ulike nivå
- kan bruke faglege og fagdidaktiske kunnskapar til konstruktiv og kritisk refleksjon
- har utvikla eigen vurderings- og rettleiingskompetanse, og ser korleis vurdering inngår som ein integrert del av alle læringsopplegg
- kan identifisere, analysere og løyse problem knytt til elevar si læring og utvikling i samfunnsfaga
Undervisninga skjer på to ulike nivå: Eit nivå for felles fagdidaktikk og eit nivå for samfunnsfagdidaktikk. Studiet er praksisbasert, og faget set krav til eige studiearbeid, individuelt og i grupper. Det er obligatorisk frammøte til undervisninga på alle nivå. Oppgåvearbeid med individuell rettleiing.
Studentane skal levere tre faglege arbeid: To fagtekstar, kvar på 2000-2500 ord, og ei digital forteljing på 2-3 minutt med eit refleksjonsnotat på 600-800 ord. Eitt av arbeida skal vere knytt til praksis.
Studentane skal også skrive ein større fagtekst på 4000-4500 ord. I arbeidet med denne skal ein ta del på eit miniseminar 2. semesteret i studiet.
Studiet vert evaluert i samsvar med HVO sitt kvalitetssikringssystem.
- PPUD-R15
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 2 semester | A-F, der A er best og E er siste ståkarakter | Mappevurdering: To av dei tre faglege arbeida skal leverast til vurdering saman med ein presentasjonstekst på 600-800 ord der studenten presenterer innhaldet i mappa og arbeidsprosessen, og grunngjev utvalet. I tillegg skal den større fagteksten på 4000-4500 ord leggast fram til vurdering. Her skal det også leverast ein presentasjonstekst på om lag 450 ord. |