Semestre
PRO121 Samfunnsvitskapleg metode
Dette emne gjev ein introduksjon til samfunnsvitskapleg metode. Emnet gjev vidare ein systematisk gjennomgang av vitskaplege arbeidsmåtar og samfunnsvitskapleg metode. Det vert innføring i konkrete forskingsteknikkar og korleis desse blir nytta i praksis, med vekt på å kunne tolke, forstå og vurdere vitskaplege undersøkingar.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten har kunnskap og forståing av:
- Fasane i den samfunnsvitskaplege forskingsprosessen, frå utvikling av problemstillingar til drøfting og presentasjon av funn
- Ulike kvalitative og kvantitative data og metodar som dokumentanalyse, intervju, feltarbeid, survey og registerdata
- Grunnleggande prinsipp for å tolke og vurdere resultata frå undersøkingar
Studenten skal ha ferdigheiter til å:
- Tolke, forstå og vurdere resultat frå kvalitative og kvantitative undersøkingar
Studenten skal kunne:
- Reflektere rundt etiske og praktiske spørsmål som gjeld innsamling og bruk av data
- Diskutere og grunngje metodeval ut frå ulike problemstillingar
Undervisninga vil vere sett saman av førelesingar, praktiske arbeidsoppgåver i metode som skal løysast individuelt og i grupper, gruppediskusjonar, individuell oppgåveskriving og drøftingar i plenum.
Arbeidskrav:
Individuelle arbeidskrav som vert gjennomført i løpet av semesteret, jfr. semesterplan.
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Samfunnsutvikling - bachelor
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Skriftleg eksamen | Individuell | 4 timar | A-F, der A er best og E er siste ståkarakter |
| Emne som gir reduksjon | Grad av overlapp | Vektingsreduksjon |
|---|---|---|
IPA172 Vitskapsteori og samfunnsvitskapleg metode | 100% | 10 stp. |