Semestre

RSA201 Praksisrettleiing – sosialt arbeid

Emnekode: 
RSA201
Varighet: 
1 semester
Studiepoeng: 
10
Studienivå: 
Bachelor (fordjupingsnivå)
Undervisningssemester: 
2022 Haust
Eksamenssemester: 
2022 Haust
Undervisningsspråk: 
Norsk
Krav til forkunnskapar

Ingen. 

Om emnet

Emnet skal gi ei grunnleggande innføring i rettleiingsteori og rettleiingsprosessar. Den auka rettleiingskompetansen vil styrke arbeidet med studentar i praksis, og også vere nyttig i rettleiing av kollegaer og i profesjonsutøving generelt. Sentrale tema er kommunikasjon, relasjon og samspel, vurdering, etiske dilemma og makttilhøve i rettleiing.

Emnet er primært for praksisrettleiarar ved Institutt for sosialfag.

Læringsutbytte

I samsvar med det nasjonale kvalifikasjonsrammeverket har studenten følgjande læringsutbytte etter fullført emne:

Kunnskapar

Studenten skal ha

  • Kunnskap om sentrale omgrep, teoriar og tradisjonar innan rettleiing
  • Inngåande kunnskap om rettleiar sine roller og funksjonar
  • Inngåande kunnskap om relasjon og kommunikasjon i eit rettleiingsperspektiv
  • Kunnskap om ulike fasar  i praksisgjennomføring og rettleiing
  • Kunnskap om makt og etikk i studentrettleiing
  • Kunnskap om vurdering og skikkavurdering
Ferdigheiter

Studenten skal kunne

  • Planlegge, gjennomføre og evaluere individuell rettleiing
  • Bruke ulike rettleiingsmetodar
  • Gi tilbakemelding på ein læringsfremjande måte
  • Vurdere skiljet mellom rettleiing og vurdering
  • Stimulere til refleksjon over praksis
Generell kompetanse

Studenten skal kunne

  • Reflektere over eigen veremåte og kommunikasjon
  • Vere medviten eiga rettleiarrolle, ansvar og funksjon
  • Identifisere og analysere utfordringer og etiske dilemma i rettleiing
Praktisk organisering og arbeidsmåtar

Undervisninga i emnet består av tre samlingar, med to dagar på kvar samling. Hausten 2022 vert samlingane i vekene 34, 40 og 46.

Undervisninga på samlingane er kombinert med diskusjon, rettleiingsøvingar og anna aktivitet i grupper.

Vilkår for å framstille seg til eksamen

Frammøtekrav: 80 % deltaking i undervisningsaktivitet

Arbeidskrav:

  1. Notat om situasjon frå eiga erfaring med rettleiing, 400-600 ord.
Sensorordning

Sensur vert gjennomført i samsvar med Forskrift om opptak, studium og eksamen ved Høgskulen i Volda, § 5-11.

Evaluering og kvalitetssikring

Emnet vert evaluert i samsvar med HVO sitt kvalitetssystem.

Minimumstal: 
15
Maksimumstal: 
50
Emneansvarleg: 
Gerd Skjong
Emnet inngår i følgande studieprogram
  • Praksisrettleiing – sosialt arbeid
VurderingsformGrupperingVarighetKarakterskalaAndelKommentarHjelpemidlerOmfang
Heimeeksamen
Individuell
7 Dagar
Stått eller ikkje stått
100
Alle
2500 ord +/- 10 %