Semestre
RUS302 Tiltak mot rusproblem
Ingen
Målet med Tiltak mot rusproblem er utvida forståing og handleevne i møte med menneske med rusrelaterte utfordringar og deira pårørande. Emnet gjev auka innsikt i forståingsmåtar som ligg til grunn for og formar ulike tiltak og behandlingsmodellar i rusfeltet. Gjennom studiet får ein innsyn i tiltak på ulike nivå og med ulik innretting – frå lågterskel til spesialisert behandling.
Emnet gjev innsikt i aktuelle juridiske føringar og etiske problemstillingar for arbeid i rusfeltet. Emnet er tverrfagleg og tek mellom anna utgangspunkt i psykologisk, sosialfagleg og helsefagleg forsking og erfaringsbasert kunnskap.
Emnet har to hovudtema:
1) Rammer for arbeid i rusfeltet
- Organiseringa av hjelpe- og behandlingstilbodet
- Juridiske og etiske føringar, rettar og dilemma
- Brukarmedverknad
- Tvang
2) Forståingsmåtar og behandlingsmodellar
- Fellesfaktorar i rusbehandling
- Psykodynamiske og kognitive behandlingstilnærmingar
- Biopsykososial forståing av rusproblematikk
- Familie- og miljøbaserte tilnærmingar
- Recoveryperspektiv
- Traumeperspektiv
- Lågterskel og skadereduksjon
- Samansette vanskar – rus, psykiske vanskar og sosiale problem
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha inngåande kunnskap om
- tiltaks- og ansvarsliner i rusfeltet
- organisering av hjelpe- og behandlingstilbod på ulike nivå
- ulike forståingsmåtar som ligg til grunn for ulike tiltak og behandlingsmodellar
Studenten skal kunne
- bruke forskings- og erfaringsbasert kunnskap til å analysere og forstå brukarar og pårørande sine rusrelaterte utfordringar
- bruke forskings- og erfaringsbasert kunnskap i si profesjonsutøving i møte med rusfaglege problemstillingar i samarbeid med brukar og pårørande
- kritisk vurdere ulike forståingsmåtar, tiltak og behandlingsmodellar i rusfeltet
Studenten skal i inngåande grad kunne
- analysere og reflektere kritisk over eiga rolle som profesjonell i arbeid med menneske med rusproblem, pårørande og personar som står i fare for å utvikle rusproblem
- kunne oppdatere kunnskapen sin på områda emnet dekker
Emnet er organisert som halvtidsstudium over eitt semester. Undervisninga er konsentrert til tre vekesamlingar, med inntil fire undervisningsdagar på kvar samling. Undervisninga skjer i klasserom ved Høgskulen i Volda, og det er forventa at studentane møter og bidreg aktivt på alle samlingane. Arbeidskravet i emnet kan krevje fysisk oppmøte og deltaking i seminar.
Det vert nytta varierte undervisnings- og læringsformer, der vi legg stor vekt på dialog og studentdeltaking. Vi nyttar læringsverktøyet Canvas til informasjon, dialog og deling av læringsressursar.
Meir informasjon om tidspunkt for oppmøte og samlingar ligg her.
Det er eitt arbeidskrav i emnet, der ein jobbar med kasus. Arbeidskravet kan krevje fysisk oppmøte og deltaking i seminar. Detaljane i arbeidskravet blir gjort nærare greie for i Canvas.
Sensur vert gjennomført i samsvar med Forskrift om opptak, studium og eksamen ved Høgskulen i Volda § 9-4.
- Barnevernsarbeid - master (deltid)
- Helse- og sosialfag - master (deltid)
- Samfunnsplanlegging og leiing - master (deltid)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 3 Dagar | A-F, der A er best og E er siste ståkarakter | 100 | Alle. | Maksimum 3000 ord |