FoU-pris

FoU-prisen for 2015 gjekk til professor Kåre Heggen ved Avdeling for samfunnsfag og historie. I tildelinga la høgskulestyret vekt på at Kåre Heggen har ein betydeleg fagproduksjon innanfor feltet utdannings- og profesjonsforsking. Han har vore med i offentlege utval, og står i fronten når det gjeld kunnskap om forholdet mellom profesjon, kunnskap og utdanning. Han har også i mange år hatt ein viktig brubyggjar-funksjon i forhold til miljøet ved Senter for profesjonsstudier (SPS) ved Høgskolen i Oslo og Akershus, som har vore viktig både for faginnhaldet i masterutdanninga i helse- og sosialfag og som komponent i den nye PhD-utdanninga ved Høgskulen i Volda.

FoU-prisen for 2014 gjekk til internasjonalt, tverrfagleg prosjekt om medieforsking ved Avdeling for mediefag 2004-2014, og som no er samla i prosjektet med tittelen Media and the Second Cold War 1975-1991. I tildelinga la høgskulestyret vekt på at prosjekta har gjeve tilbod om deltaking på ulike faglege nivå med felles målsetting om kompetanseheving: Prosjekta har vore tverrfaglege med ei internasjonal og konferanseorientert tilnærming, og har vore med på å byggje opp og delta i både eit nasjonalt og eit internasjonalt forskarnettverk.

I 2013 gjekk FoU-prisen til Institutt for religion, livssyn og kyrkjefag (RLK). Instituttet har klart å skape eit FoU-miljø som er inspirerande og støttande. Resultatet av dette er stor vitskapleg produksjon gjennom mange år. I dag publiserer alle tilsette ved instituttet vitskapleg. Gjennom støtte, entusiasme og gode samarbeids–modellar blir yngre og mindre erfarne forskarar dregne inn i eit produserande fellesskap

Jørgen Amdam er professor i kommunal og regional planlegging og administrasjon. Han fekk prisen for sin store arbeidskapasitet og engasjement for faget, studentane og høgskulen. Gjennom sitt arbeid har han medverka i FoU-arbeid med stor relevans for både Høgskulen i Volda og Møreforsking Volda. Han har hatt mange faglege og fagpolitiske verv. Han vert òg framheva som ein raus og inkluderande person, med gode evner som miljøbyggjar og inspirator internt ved høgskulen.

For første gong gjekk prisen til eit fagmiljø. Instituttet har høg fagleg kompetanse og stor forskingsaktivitet. Arbeidet femner vidt, frå middelalderhistorie til nyare internasjonal politikk, frå metodespørsmål i lokal-historisk arbeid til spørsmål om lokal og nasjonal identitet, afrikansk slaveri, velferds- og misjonsarbeid, kulturmøte og kvinneperspektiv.

Tor-Johan Ekeland er professor i sosialpsykologi. Han arbeider no med klinisk autonomi, brukarorientert samhandling og kunnskapsteori og praksis – i hovudsak relatert til psykisk helsevern. Ekeland er ein produktiv forfattar, og heilt sidan tidleg på 1980-talet har han publiserte ei rekkje fagbøker, lærebøker og artiklar.

Michael Schulte er professor i nordisk språkvitskap. Han har ein svært omfattande fagleg produksjon med ei rad artiklar på høgt internasjonalt nivå, og han er sentral i oppbygginga av eit miljø kring språkhistorie, skriftkultur og literacy-forsking både i Noreg og Skandinavia.

Finn Ove Båtevik er forskar ved Møreforsking Volda. Han er ein allsidig forskar med brei kompetanse og har arbeidd med prosjekt knytt til begge Møreforsking Volda sine satsingsområde: Velferd og regionalforsking.
Meir om Finn Ove Båtevik

Peder Haug er professor i pedagogikk. Han er ein av dei mest aktive forskarane i Noreg på området spesialundervisning og tilpassa opplæring.
Meir om Peder Haug

Jostein Fet er litteratur- og kulturforskar. Prisvinnaren har ein omfattande forfattarskap bak seg, og kan vise til forsking som har lagt grunnlaget for ei nyskriving av norsk kulturhistorie.