Skapande læringsprosessar i musikk

Forskargruppa arbeider med forskingsstudiar innan tematikken skapande læringsprosessar i musikk. Denne tematikken er relevant for fagmiljø knytte til ulike musikkstudium ved HVO, både når det gjeld læringsprosessar hjå tilsette, studentar og eksterne aktørar. Forskargruppa har eit generelt mål om å auke forskingsaktiviteten i fagmiljøet og eit meir spesifikt mål om å bidra til fagfeltet ved publisering og formidling innan tematikken. Forskingsstudiar vil bli gjennomførte av fagtilsette med tilknyting til musikkfag på HVO i samarbeid innanfor HVO og med varierande grad av involvering av eksterne forskarar.

Føremål

  • Å auke forskingsaktiviteten i fagmiljøet gjennom prosjekt, publisering og formidling

  • Å bidra til utvikling av forskingsfeltet gjennom tilskiping av fagseminar, publikasjonar og konferansebidrag

  • Å publisere ein fellespublikasjon om skapande læreprosessar i musikk

Aktivitetar

Forskingsgruppa har samlingar knytte til pågåande prosjekt, og i periodar rundt konferansar og liknande er det stor aktivitet. Me hadde konferanse om kreative musikalske prosessar i eldreomsorg i 2021 og skal vidareføre denne konferansen i 2024. I 2022 var me sterkt medverkande til publisering i ein antologi knytt til Magnar Åm sitt 70-årsjubileum (Stemma og stilla i musikk og litteratur). I 2023 presenterte to av medlemmane på International Teaching Artist Conference i Oslo. Elles er me også representerte i forskingsnettverk som GRS (Grieg Research School) og jobbar både i arbeidsgruppe her og gjennom ulike presentasjonar på konferansar, m.a. ein konferanse i Bergen våren 2023. Ein av medlemmane har også hatt forskingsopphald i Australia og fått etablert nye internasjonale samarbeidspartnarar. Forskingsgruppa støttar også økonomisk seminar eller konferansar som er relevante for forskingsgruppa.

Interne medlemmar

  • førsteamanuensis Stein Helge Solstad, Institutt for musikk, Avdeling for kulturfag (AKF) (leiar)
  • professor Rune Krumsvik, professor II, AKF / Universitetet i Bergen
  • professor emeritus Magnar Åm, Institutt for musikk, AKF
  • førsetlektor Øystein Salhus, Institutt for musikk, AKF
  • førstelektor/doktorgradsstudent Elizabeth Oltedal, Institutt for musikk, AKF
  • høgskulelektor Lars Ove Fossheim, Institutt for musikk, AKF
  • stipendiat Morten Stene, Avdeling for humanistiske fag og lærarutdanning (AHL)
  • professor Erik Cyrus Fooladi, AHL
  • professor emeritus Geir Hjorthol, (AHL

Eksterne medlemmar

  • førsteamanuensis Tine Grieg Viig, Høgskulen på Vestlandet
  • professor emeritus Martin Fautley, Birmingham City University

Prosjekt

Forskingsgruppa vurderer til ei kvar tid etablering av eller kontakt med relevante prosjekt, noko som kan omfatte samarbeidsprosjekt for delar av eller heile forskingsgruppa internt eller i samarbeid med eksterne samarbeidspartar.

Førebelse planar for 2024:

  • Konferanse for studentar, tilsette på høgskulen og fagarbeidarar innan helse og omsorg 24. januar 2024. Tema: Musikk i arbeid med personar med demens. Samarbeid med Kinn kommune. 
  • Tverrfagleg forskingsprosjekt i samband med Kulturmosaikk (utviklingssamarbeid mellom kulturskular på Sunnmøre, vidaregåande skular med Musikk, dans og drama og AKF.
  • Planlegge ny antologi innan temaet Skapande læringsprosessar i musikk i ein Teaching Artist-kontekst.
  • Presentasjon på International Teaching Artist Conference – Auckland, New Zealand.
  • Konferansepresentasjonar digitalt og fysisk i Grieg Research School (GRS) i Bergen og ved Gustav Mahler University i Klagenfurt i Austerrike.
  • Arbeide aktivt med internasjonalisering, utveksling mellom universitet og høgskular for å styrke forskingsgruppa sitt forskingsnettverk.