Praktisk informasjon
Tips og nyttige lenkar
Ein del praktiske spørsmål følgjer med eit lengre forskingsopphald i utlandet, og det er lurt å starte planlegginga i god tid. Hugs å undersøke:
Opphaldsløyve og visum
Du vil finne relevant informasjon på Noregs nasjonale portal for forskarmobilitet (euraxess.no), særleg om reisa går til eit europeisk land. I tillegg vil mottakande institusjon, ambassaden (regjeringa.no), og UDs lands- og reiseinformasjon (landinfo.no) vere nyttig å undersøke før utanlandsopphaldet.
Flyttemelding
Folkeregisteret skal ha melding om flytting frå Noreg (skatteetaten.no) dersom du skal opphalde deg i utlandet i minst seks månader, og dersom ingen i familien blir buande i bustaden. Les meir om flytting på euraxess.no
Trygderettar
Både helseforsikring, pensjonsopptening i folketrygda, forsikring i Statens pensjonskasse, og stønadsordningar for foreldre er knytt til medlemskap i folketrygda. Derfor kan det vere aktuelt å undersøke om du beheld medlemskapet i norsk folketrygd under utanlandsopphaldet. Les meir her.
Skatt
Forskingsstipend er skattepliktig. Stipend som blir gitt i tilknyting arbeidsforhold vert rekna som skattepliktig inntekt. Det blir likevel gitt frådrag for utgifter som skal dekke føremålet med stipendet. Les meir her.
Andre nyttige lenkar om skatt:
Skatteavtaler mellom Noreg og andre statar for å unngå dobbeltbeskatning
Skattefritak for opphald i USA i inntil to år
Særreglar for personar som er skattemessig busette i Noreg ein del av året
Forsikringar
Om Forsikrings- og erstatningsordningar i staten: Kapittel 4 i Statens personalhandbok. Om forsikringar på reiser utanlands: Utanlandsregulativ § 13 i Statens personalhandbok
Anna:
- Undersøk moglegheitene for finansiering.
- Undersøk moglegheitene for å finne bustad der du skal reise.
- Vurder tidspunkt som passar med eit utanlandsopphald. Opphaldet må passe i høve pliktarbeid, datainnsamling og andre aktivitetar.
- Eit relevant og godt fagmiljø er viktig. Val av institusjon må vere gjennomtenkt og bør eventuelt veljast i samarbeid med rettleiar.
Andre finansieringskjelder
- Erasmus+: For opphald av kortare varigheit (2-7 dagar) viser vi til ordninga med Erasmus+. Tilsette kan søkje stipend til kortare undervisnings- eller opplæringsopphald ved eit universitet eller ei bedrift/organisasjon i Europa. Les meir om ordninga her, eller kontakt Internasjonalt kontor.
- Fulbright: Fulbright tilbyr studentstipend og forskingsstipend i USA. Gjeld alle fagfelt. Les meir om ordninga her. Søknadsfrist 1. oktober 2024 for skuleåret 2025-2026. Det gjeld både forskar- og studentstipend (doktorgradskandidatar).
- NORAM: NORAM tilbyr stipend til forskarar, ph.d.- og masterstudentar i USA eller Canada. Les meir om ordninga her.
- Forskningsrådet sine stipendordningar: sjå aktuelle utlysingar her. Utanlandsstipend for stipendiatar er i hovudsak for dei som allereie er knytt til eit NFR-finansiert prosjekt.
- Berlin-stipend "Residens i Residensen: Stipend i regi av Noregs ambassade i Berlin, som rettar seg mot kuratorar, kunstnarar og andre kulturutøvarar. Ein kan søkje støtte til eit opphald i Berlin på 1-2 veker. Søknadsfrist er 30. juni 2024.
- The British Academy: Stipend for opphald på opptil seks månader i Storbritannia. Gjeld samfunnsfag og humaniora. Søknadsfrist 23. oktober 2024. Les meir om programmet her.
- I Legathandboka og Euraxess sin søkeportal kan ein finne ulike legat og stipendordningar.
- På Forskingsrådet sine nettsider kan ein finne informasjon om internasjonale midlar.