Fjordkonferansen 2018
Fjordkonferansen er eit fellestiltak for forskings- og utdanningsmiljøa i Sogn og Fjordane og Møre og Romsdal. Konferansen vert halden på NTNU i Ålesund 21.-22. juni 2018.
Høgskulen i Volda, NTNU, Høgskolen i Molde, Høgskulen på Vestlandet, Møreforsking og Vestlandsforsking tok initiativet til Fjordkonferansen. Fjordkonferansen skal vere ein møteplass for fagmiljøa der formidling, læring og fagleg utvikling skal stå i fokus. Hovudsamarbeidspartnar for Fjordkonferansen er Sparebanken Møre. I tillegg har Sogn og Fjordane fylkeskommune, Møre og Romsdal fylkeskommune og Mørealliansen finansiert konferansen.
Fjordkonferansen skal vere ein fagleg samlingsstad for fagpersonar i FoU-institusjonane i dei to fylka og for fagpersonar i næringsliv og offentleg verksemd som arbeider med FoU-prosjekt og utviklingsprosessar. På konferansen vert aktuelle FoU-arbeid presentert og drøfta. Ein tek sikte på å utarbeide årlege antologiar der artiklar vert publisert. Fjordkonferansen vil ha nytteverdi både for kvar einskild deltakar og for dei respektive FoU-institusjonane i Sogn og Fjordane og Møre og Romsdal.
Fjordkonferansen 2018 er den sjette årlege konferansen i rekkja og i år er "Modellar" tema for konferansen. Arrangørane har nemnt fleire temaområde under overskrifta "Modellar" der dei inviterer til å presentere papers/artikkelutkast, idear til forskingsprosjekt, posters og andre faglege bidrag. Det er òg mogeleg å føreslå nye tema innanfor hovudtemaet.
Program Fjordkonferansen 2018:
Torsdag 21. juni
| Kl. 10.00 | Matbit og registrering |
| Kl. 10.45 | Opning: Foredrag |
| Kl. 11.45 | Foredrag |
| Kl. 12.30 | Lunsj |
| Kl. 13.30 | Parallellsesjon 1 |
| Kl. 16.00 – 18.00 | Parallellsesjon 2 |
| Kl. 20.00 | Middag |
Fredag 22. juni
| Kl. 09.00 | Forfattarprisutdeling: Foredrag |
| Kl. 10.00 | Kaffipause |
| Kl. 10.15 – 12.15 | Parallellsesjon 3 |
| Kl. 12.15 | Orientering om Fjordkonferansen 2019 og Avslutning |
| Kl. 13.00 | Lunsj |