Semestre
REL152N Religion og livssyn II
Ingen
Kunnskap om sentrale tekster og deira tolkings- og verknadshistorie gjev grunnlag for å forstå sprikande oppfatningar mellom og innanfor religionar og livssyn. I dette emnet tek vi for oss heilage tekster frå utvalde religionar og sentrale tekster frå tenkninga si historie. I arbeid med fagstoffet vil studentane møte eksistensielle spørsmål som til dømes har med gudsbilete, menneskesyn og etikk å gjere.
Saman med REL151N Religion og livssyn I dekkjer emnet fagområdet for KRLE i grunnskulen.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
- om eit utval religiøse tekster
- om tekstene si verknadshistorie i kunst og kultur
- om bruk av heilage skrifter og filosofisk samtale i undervisning
- om eit utval av eldre og nyare filosofiske og etiske tekster
- kan bruke tekstanalytiske kunnskapar til å tolke gamle tekster
- kan drøfte spørsmål som gjeld tolking og bruk religiøse og filosofiske tekster med fagleg innsikt
- kan vurdere og drøfte forholdet mellom vitskap, religion og filosofi kritisk og reflektert
- kan drøfte prinsipielle og aktuelle etiske spørsmål med basis i religiøst og ikkje-religiøst normgrunnlag
- kan anvende relevante digitale verktøy
- kan bruke kunnskapar og ferdigheiter reflektert og kritisk
- har innsikt i religiøse og filosofiske sider ved europeisk kulturarv
- kan formidle kunnskap om religion, livssyn, filosofi og etikk i yrkessamanheng
- har grunnleggande digital kompetanse
Emnet er heilt nettbasert og lagt til rette via skulens læringsplattform. Studiet vert organisert etter ein kalender med tematiske modular med ulike typar undervisningsinnhald. Det blir lagt tilrette for faglege diskusjonar mellom studentar og faglærarar. Fristar vert kunngjorde ved studiestart i semesterplanen. Studenten har sjølv det primære ansvaret for læringsutbytet gjennom lesing, oppgåveskriving og aktiv deltaking.
Arbeidskrav:
For å kunne gå opp til eksamen i emnet må studenten ha fått godkjent dei kunngjorte arbeidskrava i emnet.
Sensur vert gjennomført i samsvar med Forskrift om opptak, studium og eksamen ved Høgskulen i Volda § 9-4.
- Historie - bachelor (nettstudium)
- Religion og kultur - bachelor (nettstudium)
- Religion, kultur og samfunn (nettstudium)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Heimeeksamen | Individuell | 3 Dagar | A-F, der A er best og E er siste ståkarakter | 100 | Studenten vel sjølv om eksamen skrivast på norsk eller engelsk. | 2500 ord (+/- 10%) |