MGL5-10SA1B Samfunnsfag 1B: Samfunnsutvikling og berekraft
Ingen.
Emnet tar for seg berekraft og samfunnsutvikling frå ulike perspektiv, frå det lokale til det globale, i fortid, notid og framtid. Undervisningstemaa i emnet blir knytte til omgrepa utvikling og berekraft. I geografi er berekraft og ressursbruk, klimalære, demografi og urbanisering sentrale tema. I historie samfunnsutvikling med vekt på 1800-talet sentralt, og i samfunnskunnskap vil tema kring berekraft, forbruk og internasjonal klimapolitikk bli vektlagde.
Metodisk tema i emnet er særskilt arbeid med digitale kjelder. I fagdidaktikken elles vil berekraftdidaktikk, kritisk omgrepsbruk og utvikling av undervisningsressursar ved bruk av digitale verktøy vere sentralt.
I samsvar med det nasjonale kvalifikasjonsrammeverket har studenten følgjande læringsutbytte etter fullført emne:
Studenten skal ha kunnskap om
- sentrale didaktiske tema knytte til berekraftig utvikling
- samfunnsutvikling med vekt på 1800-talet
- ressursar, klima og demografi
- internasjonal klimapolitikk
- didaktisk bruk av utvalde digitale uttrykksformer i samfunnsfag
- vurderingspraksis i samfunnsfag
- undervisning om verdiar i samfunnsfag
Studenten skal kunne
- bruke ulike perspektiv på berekraftig utvikling frå det globale til det lokale, i fortid, notid og framtid
- bruke ei analytisk tilnærming til korleis geografiske, historiske og notidige forhold set vilkår for korleis menneske dekker behov, og fordeler ressursar
- arbeide med verdiar og haldningar i samfunnsfag relatert til samfunnsutvikling og berekraft.
- utvikle undervisningsresursar ved hjelp av digitale verktøy og kjelder, og vurdere den didaktiske relevansen
- bruke årsak-verknad og brot-kontinuitet som analytiske verktøy i arbeidet med historiske tema
Studenten skal kunne
reflektere sjølvstendig og kritisk over samfunnsfaglege spørsmål og eigen praksis i eit berekraftperspektiv
Læringsutbytte blir varetatt gjennom studentaktive undervisnings- og vurderingsformer, som legg vekt på fagleg refleksjon.
Frammøtekrav:
- obligatorisk oppmøte til alle timeplanfesta aktivitetar, jamfør Forskrift om studium og eksamen ved Høgskulen i Volda § 6-6
Arbeidskrav:
Tre digitale arbeidskrav. Rammene blir klare ved semesterstart
Sensur vert gjennomført i samsvar med Forskrift om opptak, studium og eksamen ved Høgskulen i Volda, § 9-4.
- Grunnskulelærarutdanning, trinn 5-10 - master (5 år)
| Vurderingsform | Gruppering | Varighet | Karakterskala | Andel | Kommentar | Hjelpemidler | Omfang |
|---|---|---|---|---|---|---|---|
Mappeeksamen | Individuell | 1 Semester | A-F, der A er best og E er siste ståkarakter | Eitt arbeidskrav blir trekt ut og levert i ei eksamensmappe saman med ein mappetekst på 800 - 1000 ord |