Kurset tek sikte på å gi ei brei forståing og grunngjeving av omgrepa samfunnsansvar (Corporate Social Responsibility, CSR) og berekraft både gjennom aktuell teorigjennomgang og gjennom bruk av ulike case og øvingar. Utgangspunktet er dei kommunikasjonsutfordringane statlege institusjonar, frivillege organisasjonar og private verksemder møter når borgarar og kundegrupper stiller krav til samfunnsansvar på felt som gjeld miljø, menneskerettar og sosiale tilhøve, i moderne språkdrakt gjerne samla kalla for berekraft, til dømes FNs bærekraftsmål (Sustainability Development Goals, SDGs). I ein global og kulturelt pluralistisk marknad vil konfliktar med utgangspunkt i slike spørsmål kunne bli meir vanlege, og kurset har som siktemål å gje innsikt i slike prosessar. Problemstillingar knytt til omdømme vil og bli behandla, særleg knytt til det som etter kvart er samla i faglitteratur under omgrepet bærekraftskommunikasjon.