Nokon å snakke med? Søk råd og rettleiing hos ein studentrådgjevar, studenthumanist eller studentprest. Det er mykje som skjer i livet igjennom studietida som gjer det fint å ha nokon å tenke høgt saman med! Studentrådgjevar Hos studentrådgjevaren ved Studentsamskipnaden i Volda kan du prate om kva som helst, stort eller smått. I løpet av studietida kan du komme opp i situasjonar som det kan vere vanskeleg å finne ut av på eiga hand, eller det kan vere godt berre å lufte tankane. Studentrådgjevaren ønsker å bidra med å gi deg ein god studiekvardag! Studentprest Studentpresten si viktigaste oppgåve er å vere ein samtalepartnar for deg som av ulike grunnar treng nokon å snakke med. Det er rom for å snakke om alle slags tema, og det er rom for å leite etter ord for korleis du har det. Du treng ingen religiøs bakgrunn for å kome til samtale. Studenthumanist Studenthumanisten er eit medmenneske og ein samtalepartnar når du treng nokon å snakke med. Studenthumanisten har tid til å lytte og ønsker å reflektere saman med deg om det du opplever som viktig i ditt liv. Book samtale Med studentrådgjevar, studenthumanist eller studentprest. Dei har teieplikt og tilboda er gratis!
