Praksis 1. året sosialt arbeid
I denne første praksisen skal studenten gjennomføre 16 dagar praksis på yrkesarenaer der fagfolk, ungdom og brukarar møtest. Studentane kontakter sjølve praksisfelt med vidare godkjenningsprosess og ytterligare informasjon fra Høgskulen. Gjennom deltaking og observasjon skal studenten bli kjent med kvardagen og utfordringane til fagfolk og brukarar, der det faglege fokuset er retta mot forforståing, etikk, relasjonskompetanse og utvikling av sin profesjonell kompetanse.
Studenten sin sjølvrefleksjon rundt eigne reaksjonar, kjensler og tankar før, under og etter praksis er sentral, og det er forventa at studenten kan drøfte og nytte kunnskap om praktisk yrkesteori, relasjon og kommunikasjon i samhandling med kollegaer, barn og unge og andre i ulike brukarposisjonar.