Praksis 3. året sosialt arbeid
I 3. studieår er haustsemesteret sett av til 64 dagar rettleia praksisstudium ved ulike tenesteområde i Møre og Romsdal eller Viken. I tillegg til vekene ved praksisplassen kjem to veker praksisførebuing og èi veke praksisrefleksjonar ved høgskulen. Det er høgskulen som innhentar alle praksisplassar her.
I dette praksisstudiet er det faglege fokuset retta mot å styrke studenten sin vurderingskompetanse gjennom kritisk - og etisk refleksjon. Studenten skal få erfaring med å undersøke, analysere, vurdere og fatte avgjersler. I dette er også tverrprofesjonelt og tverretatleg samarbeid sentralt.
Studenten skal bli meir kjend med seg sjølv om fagperson og yrkesutøvar, og reflektere over korleis dette påverkar samhandling med kollegaer og unge/vaksne brukarar.