Retningslinjer for høgskulelektorar i doktorgradsløp

Retningslinjene gjeld høgskulelektorar som skal starte eit doktorgradsløp utan å vere tilsett som stipendiatar. Føremålet med ordninga er at HVO skal få fleire tilsette med doktorgrad på prioriterte fagfelt der det er utfordrande å rekruttere førstekompetente. Retningslinjene skal gi tydelege rammer og like vilkår for dei som gjennomfører eit slikt doktorgradsløp og sikre gjennomføring av doktorgradsprosjektet.

• Høgskulelektorar som skal søkje om opptak på doktorgradsprogram utan å vere stipendiatar må på førehand søkje dekan om tilsegn på finansiering. Dekanen godkjenner søknaden ut frå ei samla vurdering.
• Høgskulelektorar som er omfatta av desse retningslinjene skal som hovudregel gjennomføre doktorgradsprogrammet på maksimalt fem år.
• Samla FoU-tid skal utgjere 3 årsverk, inkludert to FoU-stipend. 
• Dekan avgjer i det enkelte tilfellet behovet for driftsmidlar. 

Sjå retningslinjer for denne ordninga: Retningslinjer for høgskulelektorar i doktorgradsløp

Retningslinjene vart vedtekne i Forskingsutvalet 3. november 2005 og 2. februar 2006. Revidert i Forskingsutvalet 15. desember 2015. Nye retningslinjer vart lagt fram for Forskingsutvalet 05.10.2023, og fastsett av direktør 18.06.2024.